മലപ്പുറം ജില്ലയിൽ 32 പേര്ക്ക് കൂടി ഇന്ന് കോവിഡ് സ്ഥിരീകരിച്ചതോടെ രോഗികളുടെ എണ്ണം 517 ആയി. രോഗബാധിതരുടെ എണ്ണം 500 കടന്നത് ജില്ലയിൽ വലിയ രീതിയിൽ ആശങ്കക്ക് വഴി വച്ചിട്ടുണ്ട്. 244 പേര് ഇപ്പോള് ആശുപത്രിയില് ചികിത്സയിലുണ്ട്. വിദേശങ്ങളില് നിന്നും ഇതര സംസ്ഥാനങ്ങളില് നിന്നും എത്തുന്നവര്ക്കു പുറമേ സമ്പര്ക്കത്തിലൂടെ രോഗം പകരുന്നതും ജില്ലയില് ആശങ്കയുണ്ടാക്കുന്നുണ്ട്.
ഇന്ന് കോവിഡ് സ്ഥിരീകരിച്ച 32 പേരില് 19 പേരെത്തിയത് വിദേശത്ത് നിന്നാണ്. 9 പേര് ഇതര സംസ്ഥാനങ്ങളില് നിന്നും. നാല് പേര്ക്ക് സമ്പര്ക്കത്തിലൂടെയാണ് രോഗബാധ. ജൂണ് 22 ന് രോഗബാധ സ്ഥിരീകരിച്ച താനൂര് ചീരാന് കടപ്പുറം സ്വദേശിയുമായി സമ്പര്ക്കമുണ്ടായവരാണ് മൂന്നു പേര്. ഇതില് താനൂര് വില്ലേജ് ഓഫീസിലെ ജീവനക്കാരനും ഉള്പെടും. ജില്ലയിൽ സമ്പർക്കത്തിലൂടെ രോഗം ബാധിക്കുന്നതും ഭീതി പരത്തുന്നു.
കോവിഡ് ബാധിതരുടെ എണ്ണം ജില്ലയില് കൂടിവരുന്നത് ആരോഗ്യ പ്രവര്ത്തകരെയും പ്രതിസന്ധിയിലാക്കുന്നുണ്ട്. സമ്പര്ക്കത്തിലൂടെ രോഗം പകരുന്നതും ആശങ്ക വർധിപ്പിക്കുന്നു. സമൂഹ വ്യാപനം ഉണ്ടായിട്ടുണ്ടോ എന്ന പരിശോധന പൊന്നാനി താലൂക്കിലാകെ നടത്തുന്നതിനിടയിലാണ് മറ്റിടങ്ങളിലും സമ്പര്ക്കത്തിലൂടെ രോഗം പകരുന്നത്.
പ്രതികരിക്കാൻ ഇവിടെ എഴുതുക