കേരളത്തിൽ വരാനിരിക്കുന്ന മൂന്നു ദിവസം ശക്തമായ മഴക്ക് സാധ്യതയുണ്ടെന്ന് കാലാവസ്ഥ വകുപ്പ് അറിയിച്ചു. അതേസമയം വടക്കൻ കേരളത്തിൽ ഇന്ന് മഴ കണക്കുമെന്നും മുന്നറിയിപ്പുണ്ട്. ഇതിന്റെ പശ്ചാത്തലത്തിൽ കോഴിക്കോട്, വയനാട്, മലപ്പുറം, കണ്ണൂര്, കാസര്ഗോഡ് ജില്ലകളിലും ഇടുക്കിയിലും ഇന്ന് യെല്ലോ അലര്ട്ട് പ്രഖ്യാപിച്ചു.
കോവിഡ് ജാഗ്രത: ബാങ്കുകള്ക്ക് ഇനി എല്ലാ ശനിയാഴ്ചയും അവധി
പൊതുജനങ്ങൾ വലിയ ജാഗ്രത പാലിക്കണമെന്ന് സംസ്ഥാന ദുരന്ത നിവാരണ അതോറിറ്റി നിര്ദേശം നല്കിയിട്ടുണ്ട്. മലപ്പുറത്തും ഇടുക്കിയിലും ഞായറാഴ്ചയും ഏഴു ജില്ലകളിൽ തിങ്കളാഴ്ചയും ശക്തമായ മഴയുണ്ടാകുമെന്ന് മുന്നറിയിപ്പുണ്ട്. മണിക്കൂറില് പരമാവധി 50 കിലോമീറ്റര് വരെ വേഗതയില് ശക്തമായ കാറ്റിനും സാധ്യതയുണ്ട്. തീരപ്രദേശങ്ങളിലുള്ളവർ ജാഗ്രത പാലിക്കണമെന്നും കേരള, കര്ണാടക, ലക്ഷദ്വീപ് തീരങ്ങളില് മത്സ്യതൊഴിലാളികള് മത്സ്യബന്ധനത്തിന് പോകരുതെന്നും കേന്ദ്ര കാലാവസ്ഥ വകുപ്പിന്റെ മുന്നറിയിപ്പില് പറയുന്നുണ്ട്.
പ്രതികരിക്കാൻ ഇവിടെ എഴുതുക