സംസ്ഥാനത്ത് വെള്ളിയാഴ്ച വരെ ശക്തമായ മഴയ്ക്ക് സാധ്യതയുണ്ടെന്ന് കാലാവസ്ഥാ നിരീക്ഷണ വകുപ്പ്. ഇന്ന് മൂന്ന് ജില്ലകളില് യെല്ലോ അലേര്ട്ട് പ്രഖ്യാപിച്ചു. കൊല്ലം, ആലപ്പുഴ, എറണാകുളം എന്നീ ജില്ലകളിലാണ് അലേര്ട്ട് പ്രഖ്യാപിച്ചത്.
24 മണിക്കൂറില് 115 എം.എം മുതല് 204.4 എം.എം വരെ അതിശക്തമായ മഴയ്ക്ക് സാധ്യതയുണ്ടെന്നാണ് കാലാവസ്ഥാ വകുപ്പ് അറിയിക്കുന്നത്. ചില ഒറ്റപ്പെട്ടയിടങ്ങളില് ഇന്ന് 64.5എം.എം മുതല് 115.5 എം.എം വരെ മഴലഭിക്കാന് സാധ്യതയുണ്ടെന്നും മുന്നറിയിപ്പ് നല്കുന്നു.
ബുധനാഴ്ച ആലപ്പുഴയിലും വ്യാഴാഴ്ച മലപ്പുറം ജില്ലയിലും ഒറ്റപ്പെട്ട അതിശക്തമായ മഴ പെയ്യാന് സാധ്യതയുണ്ട്. തിരുവനന്തപുരം,കൊല്ലം, പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം, തൃശ്ശൂര് ജില്ലകളിലും ജാഗ്രതാ നിര്ദേശമുണ്ട്.
സംസ്ഥാനത്ത് സൗജന്യ ഓണക്കിറ്റ് ഓഗസ്റ്റ് അഞ്ച് മുതൽ ലഭിക്കും;വിതരണ ക്രമങ്ങൾ ഇങ്ങനെ
വ്യാഴാഴ്ച എറണാകുളം, തൃശ്ശൂര്, പാലക്കാട്, മലപ്പുറം, കോഴിക്കോട്, വയനാട്, കണ്ണൂര്, കാസര്ഗോഡ്, ജില്ലകളിലും വെള്ളിയാഴ്ച കാസര്ഗോഡ് ജില്ലയില് മാത്രവും യെല്ലോ അലേര്ട്ട് പ്രഖ്യാപിച്ചിട്ടുണ്ട്.
ഉരുള്പൊട്ടല്, മണ്ണിടിച്ചില് എന്നിവയ്ക്ക് സാധ്യതയുള്ള പ്രദേശങ്ങളില് താമസിക്കുന്നവര് അതീവ ജാഗ്രത പാലിക്കണമെന്നും കാലാവസ്ഥാ വകുപ്പ് മുന്നറിയിപ്പ് നല്കുന്നു.
പ്രതികരിക്കാൻ ഇവിടെ എഴുതുക