2020 ജൂണ് മാസത്തെ വില വര്ധനവിന് പിന്നാലെ എന്ടോര്ഖിന്റെ വില വീണ്ടും വര്ധിപ്പിച്ച് ടിവിഎസ്. ഡ്രം, ഡിസ്ക്, റേസ് എഡീഷന് എന്നിങ്ങനെ മൂന്ന് വകഭേദങ്ങളിലെത്തുന്ന മോഡലിന് 910 രൂപയാണ് ജൂണില് കമ്പനി വര്ധിപ്പിച്ചത്.
ജൂലൈ മാസത്തില് 1,000 രൂപയുടെ വര്ധനവാണ് കമ്പനി വീണ്ടും വരുത്തിയിരിക്കുന്നത്. ഇതോടെ മോഡലിന്റെ പ്രാരംഭ പതിപ്പിന്റെ വില 67,885 രൂപയായി. ഡിസ്ക് പതിപ്പിന് ഇനി 72,885 രൂപയും ഉയര്ന്ന പതിപ്പായ റേസ് എഡീഷന് 75,365 രൂപയും മുടക്കണം.
വില വര്ധവിന്റെ പിന്നിലെ കാരണം ബ്രാന്ഡ് വ്യക്തമാക്കിയിട്ടില്ല. 2020 ഫെബ്രുവരി മാസത്തിലാണ് ടിവിഎസിന്റെ ജനപ്രിയ സ്കൂട്ടറായ എന്ടോര്ഖിന്റെ ബിഎസ് VI പതിപ്പ് വിപണിയില് എത്തുന്നത്. ഈ ശ്രേണിയിലെ ജനപ്രീയ മോഡലാണ് എന്ടോര്ഖ്.
വില വര്ധനവ് വില്പ്പനയെ ബാധിക്കില്ലെന്നാണ് കമ്പനിയുടെ പ്രതീക്ഷ. യുവതലമുറ ഉപഭോക്താക്കളെ ലക്ഷ്യമിട്ടാണ് സ്കൂട്ടറിനെ കമ്പനി വിപണിയില് എത്തിച്ചത്. ഫ്യുവല് ഇഞ്ചക്ട് സംവിധാനത്തോടെയാണ് ബിഎസ് VI പതിപ്പ് വിപണിയില് എത്തുന്നത്.
ടിവിഎസ് സ്മാര്ട്ട് കണക്റ്റ് ബ്ലൂടൂത്ത് സിസ്റ്റം, ബ്ലൂടൂത്ത് പ്രാപ്തമാക്കിയ ഇന്സ്ട്രുമെന്റ് കണ്സോള്, നാവിഗേഷന് അസിസ്റ്റ്, ലാസ്റ്റ് പാര്ക്ക് ചെയ്ത ലൊക്കേഷന് അസിസ്റ്റ്, ഇന്കമിംഗ് കോള് അലേര്ട്ട്, മിസ്ഡ് കോള് അലേര്ട്ട്, ഓട്ടോ എസ്എംഎസ്, ഫോണ് സിഗ്നല് ദൃഢത, ഫോണ് ബാറ്ററി ദൃഢത, റൈഡ് സ്ഥിതി വിവരക്കണക്കുകളും നല്കുന്നു.
പ്രതികരിക്കാൻ ഇവിടെ എഴുതുക