കോൺഗ്രസ് ദേശീയ നേതൃത്വത്തിൽ മാറ്റം ആവശ്യപ്പെട്ട് ഇടക്കാല അധ്യക്ഷ സോണിയ ഗാന്ധിയ്ക്ക് കത്തയച്ചത് ഉത്തമമായ ബോധ്യത്തിലും പാര്ട്ടിയോടുള്ള താല്പ്പര്യത്താലുമാണെന്ന് മുതിർന്ന നേതാവ് ആനന്ദ് ശര്മ്മ. രാജ്യത്തിന്റെ നിലവിലെ അന്തരീക്ഷത്തില് ഭരണഘടനാമൂല്യങ്ങളെക്കുറിച്ചുള്ള ആശങ്കകളാണ് കത്തിനാധാരമെന്നും അദ്ദേഹം പറഞ്ഞു.
സോണിയ ഗാന്ധിയ്ക്ക് അയച്ച കത്ത് തന്റെ സഹപ്രവര്ത്തകരും വായിക്കണമെന്നും അദ്ദേഹം പറഞ്ഞു. ബി.ജെ.പിയ്ക്കെതിരെ പോരാടാന് ശക്തമായ പ്രതിപക്ഷം ഇന്ത്യയ്ക്ക് വേണമെന്നും ആനന്ദ് ശര്മ്മ പറഞ്ഞു.
പാര്ട്ടിയില് നവീകരണം വേണമെന്ന് ആവശ്യപ്പെടുന്നത് ആത്മാര്ത്ഥത കൊണ്ടാണെന്നും വിയോജിപ്പ് കൊണ്ടല്ലെന്നും അദ്ദേഹം കൂട്ടിച്ചേര്ത്തു. സോണിയയ്ക്ക് കത്തയച്ച 23 പേരില് ഒരാളായ രാജ്യസഭാ എം.പി വിവേക് തങ്കയുടെ ട്വീറ്റ്, റീ ട്വീറ്റ് ചെയ്തായിരുന്നു അദ്ദേഹത്തിന്റെ പ്രതികരണം.
തിങ്കളാഴ്ച ചേര്ന്ന പ്രവര്ത്തകസമിതി യോഗത്തില് ഇടക്കാല അധ്യക്ഷ സോണിയ ഗാന്ധിയെ ആറ് മാസത്തേക്ക് കൂടി അധ്യക്ഷയായി തെരഞ്ഞെടുത്തിരുന്നു. 20 ലേറെ മുതിര്ന്ന നേതാക്കള് കോണ്ഗ്രസിന് മുഴുനീള അധ്യക്ഷനെ വേണമെന്ന ആവശ്യമുന്നയിച്ച് ഇടക്കാല അധ്യക്ഷ സോണിയാഗാന്ധിക്ക് കത്തയച്ചിരുന്നു.
പ്രതികരിക്കാൻ ഇവിടെ എഴുതുക