അനധികൃത സ്വത്ത് സമ്പാദന കേസിൽ കെ. എം ഷാജി എംഎൽഎയുടെ മറുപടി പൂർണ തൃപ്തികരമെന്ന് ലീഗ് ഉന്നതധികാര സമിതി. ലീഗ് എംഎൽഎമാർക്കെതിരെ സർക്കാർ കേസെടുക്കുന്നത് പ്രതികാര നടപടിയുടെ ഭാഗമായാണെന്ന് പി.കെ കുഞ്ഞാലിക്കുട്ടി വ്യക്തമാക്കി. കേസ് കണ്ട് ഭയപ്പെടുന്ന പാർട്ടിയല്ല മുസ്ലിം ലീഗെന്നും എൽ.ഡി.എഫ് നേതൃത്വം യു.ഡി.എഫ് നേതാക്കൾക്കെതിരെ പ്രതിപ്പട്ടിക തയാറാക്കി പൊലീസിന് കൈമാറുകയാണെന്നും പി.കെ കുഞ്ഞാലിക്കുട്ടിപറഞ്ഞു.
പാണക്കാട് ചേർന്ന ലീഗ് ഉന്നതാധികാര സമിതിയോഗത്തിൽ പ്രധാനമായും ചർച്ച ചെയതത്, തദ്ദേശസ്വയം ഭരണ തെരഞ്ഞെടുപ്പുമായി ബന്ധപ്പെട്ട തുടർ നടപടികൾ, കെ.എം ഷാജി, എം.സി കമറുദ്ദീൻ എന്നിവർക്കെതിരെയുള്ള കേസുകൾ എന്നീ വിഷയങ്ങളാണ്. നേതൃത്വത്തിന്റെ നിലപാട് രാജിവയ്ക്കാൻ പര്യാപ്തമായ കേസ് നിലവിൽ യുഡിഎഫ് എംഎൽഎമാർക്കെതിരെ ഇല്ലെന്നാണ്. എൽ.ഡി.എഫ്, യുഡിഎഫ് കേസുകൾ ആനയും ഉറുമ്പും തമ്മിലുള്ള വ്യത്യാസമാണെന്നും വിജിലൻസിനെ രാഷ്ട്രീയമായി ഇടത് പക്ഷം ഉപയോഗിക്കുകയാണെന്നുമാണ് നേതൃത്വം പറയുന്നത്.
പ്രതികരിക്കാൻ ഇവിടെ എഴുതുക