കണ്ണൂർ :സര്ക്കാര് ഓഫീസുകളിലും അവയുടെ കോമ്പൗണ്ടിലും പരിസരത്തും ചുവര് എഴുതാനോ പോസ്റ്റര് ഒട്ടിക്കാനോ ബാനര്, കട്ട് ഔട്ട് തുടങ്ങിയവ സ്ഥാപിക്കാനോ പാടില്ലെന്ന് ജില്ലാ തെരഞ്ഞെടുപ്പ് ഉദ്യോഗസ്ഥന് കൂടിയായ ജില്ലാ കലക്ടര് വ്യക്തമാക്കി.
ഏതെങ്കിലും പൊതുസ്ഥലത്ത് പരസ്യങ്ങളും ബോര്ഡുകളും മറ്റ് പ്രചാരണോപാധികളും സ്ഥാപിക്കുന്നതിന് തടസ്സമില്ലെങ്കില് അവിടെ പരസ്യങ്ങള് സ്ഥാപിക്കുന്നതിന് എല്ലാ രാഷ്ട്രീയകക്ഷികള്ക്കും സ്ഥാനാര്ഥികള്ക്കും തുല്യ അവസരം നല്കണം. ഏതെങ്കിലും പ്രത്യേക കക്ഷിക്കോ സ്ഥാനാര്ഥിക്കോ മാത്രമായി ഒരു പൊതുസ്ഥലവും നീക്കി വച്ചിട്ടില്ല. പൊതുജനങ്ങള്ക്ക് അസൗകര്യമോ ശല്യമോ ഉണ്ടാകുന്ന വിധത്തില് കൊടി, ബാനര്, പോസ്റ്റര്, കട്ടൗട്ട് തുടങ്ങിയ പ്രചാരണ സാമഗ്രികള് സ്ഥാപിക്കാന് പാടില്ല. പ്രചാരണങ്ങള്ക്ക് വേണ്ടിവരുന്ന ചെലവ് സ്ഥാനാര്ത്ഥിയുടെ തെരഞ്ഞെടുപ്പ് ചെലവ് കണക്കില് ഉള്പ്പെടുത്തും.
രാഷ്ട്രീയ കക്ഷികളോ സ്ഥാനാര്ഥികളോ ഏതെങ്കിലും പൊതുസ്ഥലമോ സ്വകാര്യസ്ഥലമോ പരസ്യങ്ങള് സ്ഥാപിച്ചോ മുദ്രാവാക്യങ്ങള് എഴുതിയോ വികൃതമാക്കരുത്. അത്തരം പ്രചാരണ സാമഗ്രികള് സ്വന്തമായി നീക്കം ചെയ്യണം. അല്ലാത്ത പക്ഷം അവ ഉദ്യോഗസ്ഥര് നീക്കം ചെയ്ത് ചെലവ് ബന്ധപ്പെട്ട സ്ഥാനാര്ഥിയുടെ തെരഞ്ഞെടുപ്പ് ചെലവിനോട് ചേര്ക്കുമെന്നും ജില്ലാ കലക്ടര് വ്യക്തമാക്കി.
റഷ്യന് കൊവിഡ് വാക്സിന് സ്പുടിനിക് V ഉടൻ ഇന്ത്യൽ: പരീക്ഷണത്തിന് തയ്യാറായി നൂറിലേറെ പേര്
പ്രതികരിക്കാൻ ഇവിടെ എഴുതുക