അട്ടക്കുളങ്ങര വനിത ജയിലില് കഴിയുന്ന സ്വപ്ന സുരേഷിന് ദേഹാസ്വാസ്ഥ്യം. സ്വപ്നയെ തിരുവനന്തപുരം മെഡിക്കല് കോളേജ് ആശുപത്രിയിലേക്ക് മാറ്റി.
അതേസമയം പ്രാഥമിക പരിശോധനയില് സ്വപ്നയ്ക്ക് കാര്യമായ ആരോഗ്യപ്രശ്നങ്ങള് ഇല്ലെന്നാണ് ആശുപത്രി അധികൃതരുടെ വിശദീകരണം.
അതേസമയം സര്ക്കാര് പ്രോജക്ടില് ജോലി നേടാനായി സ്വപ്ന സുരേഷ് ഹാജരാക്കിയ വ്യാജബിരുദ സര്ട്ടിഫിക്കറ്റ് തയാറാക്കിയത് പഞ്ചാബിലെ സ്ഥാപനമെന്ന് പൊലീസ് കണ്ടെത്തി.
തിരുവന്തപുരം തൈക്കാടുള്ള എ എഡ്യൂക്കേഷണല് ഗൈഡന്സ് സെന്റര് എന്ന സ്ഥാപനത്തിലെ ചിലര് വഴിയാണ് പഞ്ചാബില് നിന്നുള്ള സര്ട്ടിഫിക്കറ്റ് സ്വപ്നക്ക് ലഭിക്കുന്നത്.
ഇത് വ്യാജമാണെന്ന് കണ്ടെത്തിയാണ് തിരുവനന്തപുരം കന്റോണ്മെന്റ് പൊലീസ് സ്വപ്നക്കെതിരെ കേസെടുത്തിരിക്കുന്നത്.
പ്രതികരിക്കാൻ ഇവിടെ എഴുതുക