ചെന്നൈ: കര്ഷകരെ അക്രമാസക്തരെന്ന് വിശേഷിപ്പിച്ച് ചെന്നൈയിലെ സ്കൂള് പുറത്തിറക്കിയ ചോദ്യപേപ്പര് വിവാദമാകുന്നു.
നഗരത്തിലെ പ്രമുഖ ഇംഗ്ലീഷ് മീഡിയം സ്കൂള് പത്താംക്ലാസ് ഇംഗ്ലീഷ് പരീക്ഷ ചോദ്യപേപ്പറിലാണ് കര്ഷകരെ അക്രമാസക്തരൈന്ന് വിശേഷിപ്പിച്ചത്. റിപ്പബ്ലിക് ദിനത്തിലെ ട്രാക്ടര് പരേഡിനിടെ ഉണ്ടായ സംഘര്ത്തെക്കുറിച്ച് ബന്ധപ്പെട്ടായിരുന്നു ചോദ്യം. ഫെബ്രുവരി 11നാണ് പരീക്ഷ നടന്നത്.
കര്ഷകരെ അക്രമാസക്തരാക്കിയ സ്കൂളിനെതിരെ വിമര്ശനം ശക്തമായി. ടി.എം കൃഷ്ണ ഉള്പ്പടെയുളള പ്രമുഖര് വിഷയത്തിൽ പ്രതികരണവുമായി രംഗത്തെത്തി.
കര്ഷകരുടെ പ്രശ്നങ്ങള് ചര്ച്ച ചെയ്യുന്നതിന് പകരം അവരെ അക്രമാസക്തരായി ചിത്രീകരിക്കുന്നുവെന്ന് ടി.എം കൃഷ്ണ ട്വീറ്റ് ചെയ്തു. വിമര്ശനം കടുത്തെങ്കിലും ചോദ്യപേപ്പര് തയാറാക്കിയ സ്കൂള് ഇതുവരെ പ്രതികരിച്ചിട്ടില്ല.
പ്രതികരിക്കാൻ ഇവിടെ എഴുതുക