സാംസങ് ഗാലക്സി എം42 5ജി, ഗാലക്സി എ42 5ജി എന്നീ സ്മാർട്ട്ഫോണുകൾ ബ്യൂറോ ഓഫ് ഇന്ത്യൻ സ്റ്റാൻഡേർഡ്സ് (ബിഐഎസ്) വെബ്സൈറ്റിൽ കണ്ടെത്തിയതായി റിപ്പോർട്ട്. ഗാലക്സി എം42 5ജി ഇതുവരെ ഒരു വിപണിയിലും അവതരിപ്പിച്ചിട്ടില്ല.
എന്നാൽ ഗാലക്സി എ42 5ജി കഴിഞ്ഞ സെപ്റ്റംബറിൽ അമേരിക്കൻ വിപണിയിൽ അവതരിപ്പിച്ചിരുന്നു. എ, എം സീരസുകളിലിലെ ഈ 5ജി ഡിവൈസുകൾ വൈകാതെ വിപണിയിലെത്തുമെന്ന സൂചനയാണ് ലിസ്റ്റിങ് നൽകുന്നത്.
മൈസ്മാർട്ട്പ്രൈസിന്റെ റിപ്പോർട്ട് അനുസരിച്ച്, സാംസങ് ഗാലക്സി എം42 5ജി, ഗാലക്സി എ42 5ജി എന്നിവ ബിഐഎസ് വെബ്സൈറ്റിൽ കണ്ടെത്തിയിട്ടുണ്ട്. മോഡൽ നമ്പറുകളും ഡ്യുവൽ സിം സപ്പോർട്ടും ഒഴികെ രണ്ട് ഫോണുകളുടെയും സവിശേഷതകളോ വിശദാംശങ്ങളോ ലിസ്റ്റിങിൽ നിന്നും വ്യക്തമല്ല.
സാംസങ് ഗാലക്സി എം42 5ജി സ്മാർട്ട്ഫോണിന്റെ മോഡൽ നമ്പർ എസ്എം-എം 426 ബി / ഡിഎസ് ആണ്. സാംസങ് ഗാലക്സി എ42 5ജി എസ്എം-എ 426 ബി / ഡിഎസ് എന്ന മോഡൽ നമ്പനിൽ ലിസ്റ്റ് ചെയ്തിട്ടുണ്ട്.
ഈ മാസം ആദ്യമാണ് സാംസങ് ഗാലക്സി എം42 5ജി വൈ-ഫൈ അലയൻസ്, ബ്ലൂടൂത്ത് എസ്ഐജി സർട്ടിഫിക്കേഷൻ വെബ്സൈറ്റുകളിൽ കണ്ടെത്തിയത്. ഇത് ഫോൺ പേര് മാറ്റി അവതരിപ്പിച്ച ഗാലക്സി എ42 5ജി സ്മാർട്ട്ഫോൺ ആയിരിക്കുമെന്നാണ് റിപ്പോർട്ടുകൾ ഉണ്ടായിരുന്നത്.
2020 നവംബറിൽ 3സി സർട്ടിഫിക്കേഷൻ വെബ്സൈറ്റിലും ഇത് കണ്ടെത്തി. ഇന്ത്യയിൽ 5ജി സപ്പോർട്ടുമായി വരുന്ന ആദ്യത്തെ ഗാലക്സി എം-സീരീസ് സ്മാർട്ട്ഫോണാണ് ഗാലക്സി എം42 5ജി.
പ്രതികരിക്കാൻ ഇവിടെ എഴുതുക