യുവജന കമ്മീഷൻ അധ്യക്ഷ ചിന്ത ജെറോം മാനദണ്ഡങ്ങൾ ലംഘിച്ച് കൊവിഡ് വാക്സീൻ സ്വീകരിച്ചെന്ന് പരാതി. കൊല്ലത്ത് അഭിഭാഷകനായ ബോറിസ് പോളാണ് മുഖ്യമന്ത്രിക്ക് പരാതി നൽകിയത്. പരാതി അന്വേഷിക്കാൻ ആരോഗ്യ വകുപ്പ് പ്രിൻസിപ്പൽ സെക്രട്ടറിക്ക് കൈമാറിയതായി മുഖ്യമന്ത്രിയുടെ ഓഫിസിൽ നിന്ന് മറുപടി കിട്ടിയെന്ന് ബോറിസ് പോൾ അറിയിച്ചു.
ഇന്നലെയാണ് കൊവിഡ് രണ്ടാം ഡോസ് വാക്സിൻ സ്വീകരിച്ച കാര്യം ചിന്ത ഫെയ്സ്ബുക്കിലൂടെ അറിയിച്ചത്. 45 വയസ് പിന്നിട്ടിട്ടില്ലാത്ത ചിന്ത വാക്സിൻ സ്വീകരിച്ചത് പിൻവാതിലിലൂടെയെന്ന വിമർശനമാണ് നവമാധ്യമങ്ങളിലടക്കം ഉയരുന്നത്.
വാക്സീന് സ്വീകരിച്ചതിന് പിന്നില് കൃത്യമായ മാര്ഗനിര്ദേശങ്ങളുണ്ടെന്ന് സംസ്ഥാന യുവജനകമ്മിഷന് അധ്യക്ഷ ചിന്താ ജെറോം. വാക്സീന്റെ ആദ്യ ഘട്ടം ആരോഗ്യപ്രവര്ത്തകര്ക്കും രണ്ടാമത് മുന്നണി പോരാളികള്ക്കുമാണെന്നാണ് കേന്ദ്രസര്ക്കാരിന്റെ ഉത്തരവ്. ഇതിന് പ്രായം മാനദണ്ഡമല്ല എന്നതാണ് സത്യം.
അതുകൊണ്ടാണ് വാക്സീന് സ്വീകരിക്കാന് കഴിഞ്ഞത്. 24 മണിക്കൂറും കോവിഡ് പ്രതിരോധപ്രവര്ത്തനങ്ങളില് ഏര്പ്പെടുന്നവരാണ് ഞങ്ങള്. സംസ്ഥാന യുവജനകമ്മിഷന്റെ നേതൃത്വത്തില് പ്രതിരോധ പ്രവര്ത്തനങ്ങള്ക്ക് മുന്നില് തന്നെയുണ്ട്. ആദ്യ തരംഗ സമയം മുതല് കോവിഡിനെ നേരിടാന് പ്രവര്ത്തിക്കുന്നവരാണ് യുവജനകമ്മിഷന് ഓഫിസിലെ ജീവനക്കാര്. അവരെല്ലാം തന്നെ വാക്സീന് സ്വീകരിച്ചിട്ടുണ്ട്.
പ്രതികരിക്കാൻ ഇവിടെ എഴുതുക