കോവിഡ് പ്രതിരോധത്തിന് കേരളത്തിലെ ആശുപത്രികളിലേക്ക് മെഡിക്കല് ഉപകരണങ്ങള് നല്കിയ മലയാളത്തിന്റെ പ്രിയ നടന് മോഹന്ലാലിന് ഹൃദയം നിറഞ്ഞ നന്ദി എന്ന് ആരോഗ്യമന്ത്രി വീണ ജോർജ്. പിറന്നാള് ദിനത്തില് ഒന്നരക്കോടി രൂപയുടെ മെഡിക്കല് ഉപകരണങ്ങളാണ് മോഹൻലാൽ ആശുപത്രികളിലേക്ക് നൽകിയത് എന്ന് വീണ ജോർജ് അറിയിച്ചു.
ഓക്സിജന് കിടക്കകള്, വെന്റിലേറ്റര്, ഐ.സി.യു കിടക്കകള്, എക്സ്-റേ മെഷീനുകള് എന്നിവയുള്പ്പെടെയാണ് സംഭാവനയായി ലഭിച്ചിരിക്കുന്നത്. കളമശ്ശേരി മെഡിക്കല് കോളജിലെ വാര്ഡുകളിലേക്ക് ആവശ്യമായ ഓക്സിജന് പൈപ്പ് ലൈന് സ്ഥാപിക്കുന്നതിനുള്ള സഹായവും നല്കിയിട്ടുണ്ട്.
ഇന്ന് രാവിലെ ഫോണില് വിളിച്ച് ആരോഗ്യമന്ത്രിയുടെ ഉത്തരവാദിത്വം ഏറ്റെടുത്തതിൽ മോഹൻലാൽ ആശംസകൾ അറിയിച്ചു എന്നും വീണ ജോർജ് പറഞ്ഞു. കോവിഡ് പ്രതിരോധത്തിന് ഉൾപ്പടെ എല്ലാ പിന്തുണയും അദ്ദേഹം വാഗ്ദാനം ചെയ്തിട്ടുണ്ട്. മഹാമാരിയെ നേരിടുന്ന ഘട്ടത്തില് അദ്ദേഹം നല്കിയ പിന്തുണയ്ക്ക് നന്ദി പറയുന്നു എന്നും വീണ ജോർജ് കൂട്ടിച്ചേർത്തു.
പ്രതികരിക്കാൻ ഇവിടെ എഴുതുക