അല്ലു അർജ്ജുൻ, ഫഹദ് ഫാസിൽ ഒന്നിച്ച് എത്തുന്ന ‘പുഷ്പ’ ആദ്യ ഭാഗത്തിന്റെ റിലീസ് തീയതി പുറത്തുവിട്ടു.
2021 ക്രിസ്തുമസിനാകും ചിത്രം റിലീസ് ചെയ്യുക. സുകുമാറാണ് ചിത്രം സംവിധാനം ചെയ്യുന്നത്. ചിത്രത്തിൽ പ്രതിനായകനായിട്ടാണ് ഫഹദ് എത്തുന്നത്. അല്ലുവിന്റെ നായികയായി എത്തുന്നത് രശ്മിക മന്ദാനയാണ്. ജഗപതി ബാബു, പ്രകാശ് രാജ് എന്നിവരാണ് മറ്റ് പ്രധാന കഥാപാത്രങ്ങള്.
രക്തചന്ദന കടത്തുകാരനായ പുഷ്പരാജായിട്ടാണ് അല്ലു അര്ജുന് എത്തുന്നത്. 250 കോടി രൂപ ചെലവിട്ടാണ് ചിത്രം ഒരുക്കുന്നത്. മൈത്രി മൂവി മേക്കേഴ്സിന്റെയും മുട്ടംസെട്ടി മീഡിയയുടെയും ബാനറില് നവീന് യെര്നേനിയും വൈ രവിശങ്കറും ചേര്ന്നാണ് ചിത്രം നിര്മിയ്ക്കുന്നത്.
മിറോസ്ലോ കുബ ബറോസ്ക്കാണ് ചിത്രത്തിന് വേണ്ടി ക്യാമറ ചലിപ്പിക്കുന്നത്.
ദേവി ശ്രീ പ്രസാദാണ് ചിത്രത്തിന്റെ സംഗീതം സംവിധാനവും സൗണ്ട് ട്രാക്കും നിര്വഹിക്കുന്നത്. ഓസ്കാര് ജേതാവ് റസൂല് പൂക്കുട്ടി സൗണ്ട് എന്ജിനീയറായി പ്രവൃത്തിയ്ക്കുന്ന ചിത്രത്തിന് വേണ്ടി ചിത്രസംയോജനം നടത്തുന്നത് കാര്ത്തിക് ശ്രീനിവാസ് ആണ്.
പ്രതികരിക്കാൻ ഇവിടെ എഴുതുക