സംസ്ഥാന കളിമണ്പാത്ര നിര്മ്മാണ വിപണന ക്ഷേമ വികസന കോര്പ്പറേഷന് കളിമണ് ഉല്പന്ന നിര്മ്മാണം കുലത്തൊഴിലായി സ്വീകരിച്ചിട്ടുള്ള സമുദായത്തില്പ്പെട്ടവര്ക്ക് വായ്പ നല്കുന്നു. നിലവിലെ സംരംഭങ്ങളുടെ ആധുനികവല്ക്കരണത്തിനും നൂതന സംരംഭങ്ങള് ആരംഭിക്കുന്നതിനും, കളിമണ്പാത്ര വിപണനത്തിനുമാണ് വായ്പ. വായ്പ തുക പരമാവധി രണ്ടു ലക്ഷം രൂപയും പലിശ നിരക്ക് ആറു ശതമാനവും തിരിച്ചടവ് കാലാവധി അഞ്ചു വര്ഷവുമാണ്. ജാമ്യ വ്യവസ്ഥകള് ബാധകം. അപേക്ഷകര് പരമ്പരാഗത കളിമണ് ഉല്പന്ന നിര്മ്മാണ മേഖലയില് തൊഴില് ചെയ്യുന്നവരോ അവരുടെ ആശ്രിതരോ ആയിരിക്കണം. പ്രായപരിധി 18നും 55നും മധ്യേ. കുടുംബ വാര്ഷിക വരുമാനം മൂന്ന് ലക്ഷം രൂപയില് കവിയരുത്.
അപേക്ഷാ ഫോം, നിബന്ധനകള്, അപേക്ഷയോടൊപ്പം ഹാജരാക്കേണ്ട രേഖകള് എന്നിവ www.keralapottery.org എന്ന് വെബ്സൈറ്റില് ലഭിക്കും. അപേക്ഷ രേഖകള് സഹിതം മാനേജിംഗ് ഡയറക്ടര്, കേരള സംസ്ഥാന കളിമണ്പാത്ര നിര്മ്മാണ വിപണന ക്ഷേമ വികസന കോര്പ്പറേഷന്, അയ്യങ്കാളി ഭവന്, രണ്ടാം നില, കനക നഗര്, കവടിയാര് പി.ഒ., തിരുവനന്തപുരം-695003 എന്ന വിലാസത്തില് തപാല് മുഖേനയോ നേരിട്ടോ സമര്പ്പിക്കണം.
പ്രതികരിക്കാൻ ഇവിടെ എഴുതുക