അടുത്ത മൂന്ന് മണിക്കൂറില് കേരളത്തില് എല്ലാ ജില്ലകളിലും ഒറ്റപ്പെട്ടയിടങ്ങളില് മഴയ്ക്ക് സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു.
മധ്യ കേരളത്തിലും വടക്കന് കേരളത്തില് മഴ കനത്തേക്കും. കോട്ടയം, എറണാകുളം, ഇടുക്കി, തൃശൂര്, മലപ്പുറം, കോഴിക്കോട്, വയനാട്, കണ്ണൂര്, കാസര്ഗോഡ് ജില്ലകളില് യല്ലോ അലര്ട്ട് പ്രഖ്യാപിച്ചു. എറണാകുളം, ഇടുക്കി, തൃശൂര്, മലപ്പുറം, കോഴിക്കോട്, കണ്ണൂര്, കാസര്ഗോഡ് ജില്ലകളില് നാളെ മഴ മുന്നറിയിപ്പുണ്ട്. ഈ ജില്ലകളില് 7 മുതല് 11 സെന്്റിമീറ്റര് വരെയുള്ള മഴയ്ക്കാണ് സാധ്യത.
അതേസമയം, കേരള തീരത്ത് മണിക്കൂറില് പരമാവധി 50 കിലോമീറ്റര് വരെ വേഗതയില് ശക്തമായ കാറ്റിനും മോശം കാലാവസ്ഥയ്ക്കും സാധ്യതയുണ്ടെന്നും കേരള, കര്ണാടക, ലക്ഷദ്വീപ് തീരങ്ങളില് നിന്ന് ബുധനാഴ്ച്ച വരെ മത്സ്യ ബന്ധനം വിലക്കി. കടലാക്രമണത്തിനും സാധ്യതയുള്ളതിനാല് തീരദേശവാസികളും ജാഗ്രത പാലിക്കണം. വടക്കന് ബംഗാള് ഉള്ക്കടലില് അടുത്ത മണിക്കൂറുകളോടെ ന്യൂനമര്ദ്ദം രൂപപ്പെടാന് സാധ്യത. അറബിക്കടലില് കാലവര്ഷ കാറ്റ് ശക്തി പ്രാപിക്കുന്നതായും കാലാവസ്ഥ വകുപ്പ് നിര്ദേശിച്ചു.
പ്രതികരിക്കാൻ ഇവിടെ എഴുതുക