കൊച്ചി കപ്പല്ശാലയില് ബോംബ് ഭീഷണിയുമായി ഇ-മെയില് സന്ദേശം. ഐഎന്എസ് വിക്രാന്ത് ബോംബിട്ട് തകര്ക്കുമെന്നാണ് സന്ദേശം. ഐഎന്എസ് വിക്രാന്തിന് പുറമേ മറ്റ് കപ്പലുകളും തകര്ക്കുമെന്ന് ഭീഷണിയുണ്ട്.
കപ്പല്ശാല അധികൃതരുടെ പരാതിയില് പൊലീസ് കേസെടുത്തു. ഇന്ന് രാവിലയൊണ് ഇമെയില് സന്ദേശം ലഭിച്ചതായുള്ള വിവരം പുറത്തുവന്നത്.
കപ്പല്ശാലയ്ക്ക് സുരക്ഷാ ഭീഷണി ഉയര്ത്തുമെന്നും ഇ-മെയില് സന്ദേശത്തില് പറയുന്നുണ്ട്. ഇ-മെയില് ലഭിച്ചതിന് പിന്നാലെ കപ്പല്ശാല അധികൃതര് പൊലീസിനെ സമീപിച്ചു.
ഇ-മെയിലിന്റെ ഉടവിടം പരിശോധിച്ച ശേഷം തുടര്നടപടി സ്വീകരിക്കുമെന്ന് പൊലീസ് അറിയിച്ചു.
പ്രതികരിക്കാൻ ഇവിടെ എഴുതുക