ഇരുവരും ഒന്നിച്ച് എടുത്ത തീരുമാനമാണ് ഇതെന്നായിരുന്നു റിപ്പോര്ട്ടുകള്. ഈ അഭ്യൂഹങ്ങളോട്(rumours) സാമന്തയോ നാഗചൈതന്യയോ പ്രതികരിച്ചിരുന്നുമില്ല. ഇത് സംബന്ധിച്ച ചോദ്യങ്ങളോട് ഇരുവരും ഒഴിഞ്ഞുമാറുകയും ചെയ്തിരുന്നു. ഇപ്പോഴിതാ തങ്ങള് വിവാഹ ബന്ധം വേര്പ്പെടുത്തുന്നുവെന്ന് ഔദ്യോഗികമായി അറിയിച്ചിരിക്കുകയാണ് താരങ്ങള്.
സോഷ്യല് മീഡിയ വഴിയാണ് ഇരുവരും തങ്ങള് വിവാഹ ബന്ധം വേര്പെടുത്തുന്നുവെന്ന് പ്രേക്ഷകരെ അറിയിച്ചത്. “ഞങ്ങളുടെ എല്ലാ സുമനസ്സുകള്ക്കും. ഒരുപാട് ആലോചനകള്ക്കും ചിന്തകള്ക്കും ശേഷം ഞങ്ങള് വേര്പിരിയാന് തീരുമാനിച്ചു. ഒരു ദശാബ്ദത്തിലേറെ നീണ്ട സൗഹൃദം ഞങ്ങളുടെ ഭാഗ്യമാണ്, അത് ഞങ്ങളുടെ ബന്ധത്തിന്റെ കാതലായിരുന്നു, ഞങ്ങള്ക്കിടയില് എല്ലായ്പ്പോഴും ഒരു പ്രത്യേക ബന്ധം നിലനില്ക്കുമെന്ന് വിശ്വസിക്കുന്നു. ഞങ്ങളുടെ ആരാധകരോടും അഭ്യുദയകാംക്ഷികളോടും മാധ്യമങ്ങളോടും ബുദ്ധിമുട്ടുള്ള ഈ സമയത്ത് ഞങ്ങളെ പിന്തുണയ്ക്കാനും മുന്നോട്ട് പോകാന് ആവശ്യമായ സ്വകാര്യത നല്കാനും അഭ്യര്ത്ഥിക്കുന്നു”, എന്നാണ് താരങ്ങള് പോസ്റ്റില് കുറിക്കുന്നത്.
2017 ഒക്ടോബര് ആറിനാണ് നാഗചൈതന്യയും സാമന്തയും തമ്മില് വിവാഹിതരായത്. ഇരുവരും തമ്മില് അടുത്തകാലത്ത് സ്വരചേര്ച്ചയില്ലായിരുന്നുവെന്ന് റിപ്പോര്ട്ടുകളുണ്ടായിരുന്നു. സാമൂഹ്യമാധ്യമങ്ങളില് തന്റെ പേര് സാമന്ത മാറ്റുകയും ചെയ്തിരുന്നു. അക്കിനേനി എന്ന ഭാഗം ഒഴിവാക്കുകയായിരുന്നു സാമന്ത. ഇതോടെയാണ് നാഗചൈതന്യയും സാമന്തയും വേര്പിരിയുന്നുവെന്ന് അഭ്യൂഹങ്ങള് വന്നത്.
— chaitanya akkineni (@chay_akkineni) October 2, 2021
തന്റെ വ്യക്തി ജീവിതവും പ്രൊഫഷണല് ജീവിതവും രണ്ടായി നിലനിര്ത്താന് ഇഷ്ടപ്പെടുന്ന ആളാണ് താനെന്നും സ്വകാര്യ ജീവിതത്തെ കുറിച്ചുള്ള വാര്ത്തകളില് വേദനയുണ്ടെന്നും നാഗചൈതന്യ നേരത്തെ പറഞ്ഞിരുന്നു.
പ്രതികരിക്കാൻ ഇവിടെ എഴുതുക