യാത്രയ്ക്കിടെ ലണ്ടന്-കൊച്ചി എയര് ഇന്ത്യ വിമാനത്തില് പ്രസവിച്ച മലയാളി യുവതിയുടെ കുഞ്ഞ് ഉടൻ കേരളത്തിലേക്ക് പറക്കും. പ്രസവിച്ചതിന് പിന്നാലെ അമ്മയുടെയും കുഞ്ഞിന്റെയും ആരോഗ്യം കണക്കിലെടുത്ത് വിമാനം അടിയന്തരമായി ജർമ്മനിയിലെ ഫ്രാങ്ക്ഫർട്ടിൽ ഇറക്കുകയായിരുന്നു.
തുടർന്ന് കുഞ്ഞിന് കേരളത്തിലേക്ക് പറക്കാനായി അടിയന്തര പാസ്പോര്ട്ട് അനുവദിച്ചിരിക്കുകയാണ് ജര്മനിയിലെ ഇന്ത്യന് കോണ്സുലേറ്റ്. യാത്രയുടെ നടപടിക്രമങ്ങള് പൂര്ത്തിയാക്കി കുട്ടിയും കുടുംബവും ഉടന് ഫ്രാങ്ക്ഫര്ട്ടില് നിന്ന് കേരളത്തിലേക്ക് പറക്കും. ഷോണ് എന്നാണ് കുഞ്ഞിന് പേര് നല്കിയിരിക്കുന്നത്.
ജര്മനിയിലെ ഇന്ത്യന് കോണ്സുലേറ്റ് കുഞ്ഞിന് പ്രത്യേക മെഡിക്കല് സര്ട്ടിഫിക്കറ്റും അനുവദിച്ചു. ഷോണും അമ്മയും സുഖമായിരിക്കുന്നുവെന്ന് കോണ്സുലേറ്റ് ട്വീറ്റ് ചെയ്തു. തുടര്യാത്രയ്ക്കായി സജ്ജീകരണമൊരുക്കുന്നതില് സന്തോഷമുണ്ട്. മാതാപിതാക്കള്ക്കൊപ്പം കേരളത്തിലേക്ക് പറക്കുന്ന ഷോണിന് ആശംസകളെന്നും കോണ്സുലേറ്റ് ട്വീറ്റിൽ കുറിച്ചു.
പ്രതികരിക്കാൻ ഇവിടെ എഴുതുക