ഇടുക്കി: മുല്ലപ്പെരിയാര് അണക്കെട്ടില് നിലവില് തുറന്നിരിക്കുന്ന മൂന്നു ഷട്ടറുകള് 65 സെന്റിമീറ്ററായി ഉയര്ത്താന് തീരുമാനം. രാവിലെ 11 മണിക്ക് ഷട്ടറുകള് ഉയര്ത്തുമെന്ന് തമിഴ്നാട് അറിയിച്ചു.
നിലവില് ഷട്ടറുകള് 30 സെന്റിമീറ്റര് ഉയര്ത്തിയാണ് വെള്ളം പുറത്തേക്ക് ഒഴുക്കി കളയുന്നത്. നിലവില് 3 ഷട്ടറുകള് ഉയര്ത്തി സെക്കന്ഡില് 825 ഘനയടി വെള്ളമാണ് ഒഴുക്കുന്നത്. ഇതിന് പകരം 1650 ഘനയടി വെള്ളം മൂന്നു ഷട്ടറുകളിലൂടെ ഒഴുക്കാനാണ് തീരുമാനിച്ചിട്ടുള്ളത്.
മുല്ലപ്പെരിയാര് അണക്കെട്ടിന്റെ ഷട്ടറുകള് കൂടുതല് ഉയര്ത്തുന്നതോടെ, പെരിയാറില് ജലനിരപ്പ് വീണ്ടും ഉയര്ന്നേക്കും.
പ്രതികരിക്കാൻ ഇവിടെ എഴുതുക