സംസ്ഥാനത്ത് വരുന്ന മൂന്ന് ദിവസം ശക്തമായ മഴക്ക് സാധ്യത ഉള്ളതിനാല് അതീവ ജാഗ്രത തുടരണമെന്ന് മുഖ്യമന്ത്രി പിണറായി വിജയന് അറിയിച്ചു. മത്സ്യബന്ധനത്തിന് വിലക്കേര്പ്പെടുത്തി മുന്നറിയിപ്പ് നല്കിയിട്ടുണ്ട്. അടിയന്തര സാഹചര്യം നേരിടാന് പോലീസും ഫയര് ഫോഴ്സും സജ്ജമാണെന്നും അദ്ദേഹം വ്യക്തമാക്കി.
ശബരിമല നട തുറക്കുമ്പോള് കൂടുതല് തീര്ഥാടകര് പ്രവേശിക്കുന്നത് വെല്ലുവിളി ഉയർത്തും. മഴ ശക്തമായതിനാല് നദിയില് കലക്കവെള്ളമാണുള്ളത്. കുടിവെള്ളത്തിന്റെയും കുളിക്കാനുള്ള വെള്ളത്തിന്റെയും ലഭ്യതയില് കുറവു വരും. അതിനാല് അടുത്ത മൂന്നു നാല് ദിവസങ്ങളില് ആളുകളുടെ എണ്ണം നിയന്ത്രിക്കാനും യോഗം തീരുമാനിച്ചു.
കൂടാതെ ജലനിരപ്പ് അപകടകരമായതിനാല് പമ്പാസ്നാനം അനുവദിക്കില്ല. ദേശീയ ദുരന്ത പ്രതികരണ സേനയുടെ മൂന്ന് ടീമുകള് നിലവില് സംസ്ഥാനത്തുണ്ട്. നാല് ടീമുകള് നാളെ രാവിലെയോടെ എത്തും.
പ്രതികരിക്കാൻ ഇവിടെ എഴുതുക