ആലുവ: മോഫിയ പര്വീന്റെ ആത്മഹത്യയില് സമരം ചെയ്ത പ്രാദേശിക കോണ്ഗ്രസ് നേതാക്കള്ക്ക് തീവ്രവാദ ബന്ധമുണ്ടെന്ന പൊലീസ് റിപ്പോര്ട്ടിൽ കടുത്ത അതൃപ്തിയറിയിച്ച് മുഖ്യമന്ത്രി പിണറായി വിജയൻ. ആലുവ ഗസ്റ്റ് ഹൗസിലേക്ക് ആലുവ റൂറൽ എസ് പിയെ നേരിട്ട് വിളിച്ചു വരുത്തിയാണ് മുഖ്യമന്ത്രി അതൃപ്തിയറിയച്ചത്
കേസുമായി ബന്ധപ്പെട്ട മുഴുവന് ഫയലുകളും മുഖ്യമന്ത്രി പരിശോധിച്ചു. സമരവുമായി ബന്ധപ്പെട്ട് പൊതുമുതല് നശിപ്പിച്ച കുറ്റത്തിന് അറസ്റ്റ് ചെയ്ത അല് അമീന്, അനസ്, നജീബ് എന്നിവരെ കസ്റ്റഡിയില് ആവശ്യപ്പെട്ട് കോടതിക്ക് നല്കിയ റിപ്പോര്ട്ടിലാണ് പൊലീസിന്റെ ഭാഗത്തുനിന്ന് വിവാദമായ പരാമര്ശമുണ്ടായത്.
പ്രതികരിക്കാൻ ഇവിടെ എഴുതുക