സണ്ണി വെയ്ന്, അലന്സിയര്, അനന്യ, ഗ്രേസ് ആന്റണി, പോളി വത്സന് എന്നിവരെ പ്രധാന കഥാപാത്രങ്ങളാക്കി മജു സംവിധാനം ചെയ്യുന്ന ചിത്രം ‘അപ്പന്റെ’ ട്രെയിലര് പുറത്തുവിട്ടു. മജുവിന്റെ തന്നെ കഥയില് ഒരുങ്ങുന്ന സിനിമയുടെ ട്രെയിലര് സൈന മൂവീസ് ആണ് റിലീസ് ചെയ്തത്.
ഒരു ഫാമിലി കോമഡി എന്റര്ടെയിനിറൊപ്പം ത്രില്ലറിന്റെ സൂചനകളും ട്രെയിലര് നല്കുന്നുണ്ട്. പ്രധാന താരങ്ങളുടെ മികച്ച പ്രകടനങ്ങലെക്കുറിച്ചും ട്രെയിലര് പ്രതീക്ഷ നല്കുന്നുണ്ട്.
നേരത്തെ സണ്ണി വെയ്ന് അവതരിപ്പിക്കുന്ന ടാപ്പിങ്ങ് തൊഴിലാളിയുടെ കഥാപാത്രത്തിന്റെ ഫസ്റ്റ്ലുക്ക് പോസ്റ്ററും ഏറെ ശ്രദ്ധ നേടിയിരുന്നു.
രാധിക രാധാകൃഷ്ണന്, അനില് കെ ശിവറാം, വിജിലേഷ്, ഉണ്ണി രാജ, അഷ്റഫ്, ദ്രുപദ് കൃഷ്ണ എന്നിവരാണ് ചിത്രത്തിലെ മറ്റ് അഭിനേതാക്കള്.
പ്രതികരിക്കാൻ ഇവിടെ എഴുതുക