ഒമിക്രോണ് പശ്ചാത്തലത്തിൽ ക്രിസ്മസ്-പുതുവത്സര ആഘോഷങ്ങള്ക്ക് കര്ശന നിയന്ത്രണങ്ങള് ഏര്പ്പെടുത്തി സംസ്ഥാനങ്ങള്. കോവിഡിന്റെ ഡെല്റ്റ വകഭേദത്തെ അപേക്ഷിച്ച് ഒമിക്രോണിന്റെ രോഗവ്യാപനതോത് മൂന്നിരട്ടി കൂടുതലാണെന്നും പ്രതിരോധ നടപടികള് ശക്തമാക്കണമെന്നും കേന്ദ്ര സര്ക്കാര് സംസ്ഥാനങ്ങള്ക്ക് നേരത്തെ നിര്ദേശം നല്കിയിരുന്നു. ഇതിനുപിന്നാലെയാണ് ഡല്ഹി, മഹാരാഷ്ട്ര, കര്ണാടക, ഹരിയാന, ഗുജറാത്ത്, പഞ്ചാബ് തുടങ്ങിയ സംസ്ഥാനങ്ങള് കോവിഡ് നിയന്ത്രണങ്ങള് കര്ശനമാക്കിയത്.
രാജ്യത്ത് ഇതുവരെ ഏറ്റവും കൂടുതല് ഒമിക്രോണ് കേസുകള് റിപ്പോര്ട്ട് ചെയ്തത് ദില്ലിയിലാണ് ക്രിസ്മസ്-പുതുവത്സര ആഘോഷങ്ങള്ക്ക് ദില്ലിയിൽ ദുരന്ത നിവാരണ അതോറിറ്റി പൂര്ണമായും വിലക്ക് ഏര്പ്പെടുത്തി. സാമൂഹ്യ-സാംസ്കാരിക ഒത്തുചേരലുകള്ക്കെല്ലാം വിലക്കുണ്ട്. ഹോട്ടലുകളിലും പബ്ബുകളിലും 50 ശതമാനം ആളുകള്ക്കെ പ്രവേശനമുള്ളു. പൊതുയോഗം, കല്യാണം, സമ്മേളനങ്ങള് എന്നിവയ്ക്കും നിയന്ത്രണമുണ്ട്.
മഹാരാഷ്ട്രയില് 54 പേര്ക്കാണ് ഇതുവരെ ഒമിക്രോണ് സ്ഥിരീകരിച്ചത്. പ്രതിരോധ നടപടിയുടെ ഭാഗമായി ഡിസംബര് 16 മുതല് 31 വരെ സംസ്ഥാനത്ത് നിരോധനാജ്ഞ പ്രഖ്യാപിച്ചിട്ടുണ്ട്. രണ്ട് ഡോസ് വാക്സിന് സ്വീകരിച്ചവര്ക്ക് മാത്രമേ കടകളിലും പൊതു ഗതാഗത വാഹനങ്ങളിലും പ്രവേശനമുള്ളു. എല്ലാ പൊതുപരിപാടികള്ക്കും കര്ണാടക സര്ക്കാര് വിലക്കേര്പ്പെടുത്തി. പുതുവത്സരാഘോഷത്തിന്റെ ഭാഗമായി ബെംഗളൂരു എംജി റോഡിലും ബ്രിഗേഡ് റോഡിലും നടക്കുന്ന പരിപാടികളും ഇതില് ഉള്പ്പെടുന്നു. സംസ്ഥാനത്ത് ഒരിടത്തും പൊതു ചടങ്ങുകളോ ആഘോഷ പരിപാടികളോ നടത്തരുതെന്ന് മുഖ്യമന്ത്രി ബസവരാജ് ബൊമ്മെ പറഞ്ഞു.
പ്രതികരിക്കാൻ ഇവിടെ എഴുതുക