മനുഷ്യ ശരീരത്തില് പുതിയ അവയവം കണ്ടെത്തി ഗവേഷകര്. മസ്കുലസ് മാസെറ്റര് പാര്സ് കൊറോനിഡേ എന്നാണ് ഈ പുതിയ അവയവത്തിന് ഗവേഷക സംഘം നിര്ദേശിച്ച പേര്. താടിയെല്ലിലെ മാസെറ്റര് പേശിയിലാണ് പുതിയ അവയവം കണ്ടെത്തിയത്.
ബാസല്സ് സര്വകലാശാലയിലെ ബയോമെഡിസിന് വിഭാഗത്തിലെ ഡോ. സില്വിയ മെസെയുടെ നേതൃത്വത്തിലുള്ള സംഘമാണ് പഠനം നടത്തിയത്. ഇതിനായി അവര് 12 മൃതശരീരങ്ങളില് നിന്നും തലകള് വേര്പെടുത്തി ഫോര്മാല്ഡിഹൈഡ് ലായനിയില് സൂക്ഷിച്ചു കൊണ്ട് വിശദ പഠനങ്ങള് നടത്തി.
16 മൃതശരീരങ്ങളില് സിടി സ്കാന് ഉപയോഗിച്ചും പരിശോധിച്ചു. ജീവനുള്ള മനുഷ്യരിലെ വിവര ശേഖരണത്തിനായി ഗവേഷകര് സ്വയം എംആര്ഐ സ്കാനിന് വിധേയരാവുകയും ചെയ്തു.
അന്നല്സ് ഓഫ് അനാട്ടമി എന്ന അക്കാദമിക് ജേണലിലാണ് പുതിയ അവയവം കണ്ടെത്തിയ വിവരം പ്രസിദ്ധീകരിച്ചിരിക്കുന്നത്. കണ്ടെത്തല് അത്ഭുതപ്പെടുത്തുന്നതാണെന്നായിരുന്നു ഗവേഷകസംഘത്തിലെ പ്രൊഫ. ജെന്സ് ക്രിസ്റ്റോഫ് പറഞ്ഞത്.
പ്രതികരിക്കാൻ ഇവിടെ എഴുതുക