ഉണ്ണി മുകുന്ദന് ചിത്രം ‘മേപ്പടിയാന് വേണ്ടി ആകാംക്ഷയോടെയുള്ള കാത്തിരിപ്പിലാണ് ആരാധകര്. വിഷ്ണു മോഹനാണ് ചിത്രത്തിന്റെ തിരക്കഥയെഴുതി സംവിധാനം ചെയ്യുന്നത്. സിനിമയ്ക്കായി ഉണ്ണി മുകുന്ദന് നടത്തിയ മേക്കോവര് ഏറെ ശ്രദ്ധയാകര്ഷിച്ചിരുന്നു. ഇപ്പോഴിതാ ചിത്രത്തിന്റെ ഒരു ക്യാരക്ടര് പോസ്റ്റര് പങ്കുവെച്ചിരിക്കുകയാണ് അണിയറ പ്രവര്ത്തകര്.
ശ്രീജിത്ത് രവിയുടെ പൊലീസ് കഥാപാത്രത്തിന്റെ പോസ്റ്ററാണ് പുറത്തുവിട്ടത്. എസ് ഐ വിനോദ് പ്രഭു എന്നാണ് കഥാപാത്രത്തിന്റെ പേര്. ജനുവരി 14നാണ് ചിത്രം തിയേറ്ററുകളില് എത്തുക.
ഉണ്ണി മുകുന്ദന്റെ കരിയറിലെ ഏറെ പ്രതീക്ഷയുള്ള സിനിമയാണ് ഇത്. 2019 ല് പ്രഖ്യാപിച്ചിരുന്ന ചിത്രം ചില സാങ്കേതിക കാരണങ്ങളാലും പിന്നീട് കൊവിഡിനെ തുടര്ന്നും വൈകുകയായിരുന്നു. അജു വര്ഗീസ്, ഇന്ദ്രന്സ്, സൈജു കുറുപ്പ്, വിജയ് ബാബു, കലാഭവന് ഷാജോണ് തുടങ്ങിയവരും ചിത്രത്തില് പ്രധാന വേഷത്തില് എത്തുന്നുണ്ട്.
നീല് ഡി കുഞ്ഞയാണ് ഛായാഗ്രഹണം. എഡിറ്റിംഗ് ഷമീര് മുഹമ്മദ്. സംഗീതം രാഹുല് സുബ്രഹ്മണ്യം. ഷമീര് മുഹമ്മദ് ചിത്രസംയോജനം നിര്വഹിക്കുന്നു. സാബു മോഹനാണ് കലാസംവിധാനം.
പ്രതികരിക്കാൻ ഇവിടെ എഴുതുക