കുവൈത്ത് : കുവൈത്തില് അതിശക്തമായ മഴയില് നിരവധി സ്ഥലങ്ങളില് വെള്ളം കയറി. സൈന്യവും അഗ്നിശമന സേനയും ഉള്പ്പെടെയുള്ള വിവിധ വിഭാഗങ്ങളുടെ നേതൃത്വത്തില് രക്ഷാപ്രവര്ത്തനവും റോഡുകളില് നിന്ന് തടസങ്ങള് നീക്കുന്നതിനുള്ള പ്രവൃത്തികളും പുരോഗമിക്കുകയാണ്.
രാജ്യത്ത് ഏതാണ്ടെല്ലാ പ്രദേശങ്ങളിലും ശക്തമായ മഴയാണ് കഴിഞ്ഞ ദിവസം ലഭിച്ചത്. അഹ്മദിയിലായിരുന്നു ഏറ്റവുമധികം മഴ രേഖപ്പെടുത്തിയത്.
ജലീബ് അല് ശുയൂഖ്, ഫര്വാനിയ, ഖൈത്താന്, കുവൈത്ത് സിറ്റി, ഫഹാഹീല്, മംഗഫ്, സാല്മിയ, സല്വ, ഫിന്റ്റാസ് തുടങ്ങിയ പ്രദേശങ്ങളിലും ശക്തമായ മഴയുണ്ടായിരുന്നു. നിരവധി വാഹനങ്ങള് വെള്ളക്കെട്ടില് കുടുങ്ങി.
106 പേരെ അഗ്നിശമന സേന രക്ഷപ്പെടുത്തി. ഹവല്ലി, ഫര്വാനിയ എന്നിവിടങ്ങളില് നിന്ന് സഹായം തേടി ഏറ്റവുമധികം ഫോണ് കോളുകള് ലഭിച്ചതെന്ന് അഗ്നിശമന സേന അറിയിച്ചു.
Kuwait National Guard personnel are helping to cope with weather hardships https://t.co/1qXZ4g0cYT#KUNA #KUWAIT pic.twitter.com/GATT7LXddj
— Kuwait News Agency – English Feed (@kuna_en) January 2, 2022
പ്രതികരിക്കാൻ ഇവിടെ എഴുതുക