ജില്ലാ സമ്മേളനങ്ങൾ വിജയിപ്പിക്കുവാൻ ജനങ്ങളെ കൊലയ്ക്ക് കൊടുക്കുകയാണ് സിപിഎം എന്ന് ബിജെപി സംസ്ഥാന അദ്ധ്യക്ഷന് കെ.സുരേന്ദ്രന്. സിപിഎമ്മിന്റെ സമ്മേളനം വിജയിപ്പിക്കുന്നതിന് ജനങ്ങളുടെ ജീവന് വെച്ച് പന്താടുകയാണ് സംസ്ഥാന സര്ക്കാരും ജില്ലാ ഭരണകൂടവുമെന്ന് അദ്ദേഹം കുറ്റപ്പെടുത്തി. കോവിഡ് നിയന്ത്രണങ്ങൾ പ്രഖ്യാപിച്ചിട്ടും കാസര്ഗോഡ് കലക്ടര്ക്ക് മൂന്നു മണിക്കൂറിനിടെ പിന്വലിക്കേണ്ടി വന്നതിന് പിന്നില് ആരോഗ്യമന്ത്രിയുടെ ഇടപെടലാണ്. സുരേന്ദ്രന് പ്രസ്താവനയില് പറഞ്ഞു.
ടെസ്റ്റ് പോസിറ്റിവിറ്റി നിരക്ക് 40 ശതമാനം കടന്നിട്ടും സിപിഎമ്മിന് സമ്മേളനം നടത്താനുള്ള അവസരം ഒരുക്കുന്ന സര്ക്കാര് ജനങ്ങളുടെ ക്ഷമ പരീക്ഷിക്കുകയാണ്. മറ്റ് രാഷ്ട്രീയ പാര്ട്ടികളെല്ലാം പൊതുപരിപാടികള് മാറ്റിവെച്ചപ്പോള് നാടിന്റെ രക്ഷയേക്കാള് ഞങ്ങള്ക്ക് വലുത് പാര്ട്ടി സമ്മേളനങ്ങളാണെന്നാണ് സിപിഎം പറയുന്നത്. ആരോഗ്യമേഖല പൂര്ണമായും അവതാളത്തിലായിരിക്കുകയാണ്. മരുന്നും മറ്റ് അവശ്യ സാധനങ്ങളും സര്ക്കാര് ആശുപത്രികളിലില്ലെന്നും അദ്ദേഹം വിമർശിച്ചു.
പ്രതികരിക്കാൻ ഇവിടെ എഴുതുക