കീവ്: യുദ്ധം രൂക്ഷമായ യുക്രൈനില് നിന്നെത്തിയ ഇന്ത്യന് വിദ്യാര്ത്ഥികള്ക്ക് അഭയം നല്കി മാള്ഡോവ . അതിര്ത്തി കടക്കാന് കഴിഞ്ഞതായി മലയാളി വിദ്യാര്ത്ഥി പറഞ്ഞു.
യുക്രൈനില് നിന്ന് മാള്ഡോവയിലെത്തിയ അലീന അടക്കം 45 പേര് ബസിലാണ് മാള്ഡോവയിലെത്തിയത്. അവിടെ സൈനിക ആശുപത്രിയില് തങ്ങള്ക്ക് താമസ സൗകര്യമൊരുക്കിയെന്ന് വിദ്യാര്ത്ഥിനി പറഞ്ഞു.
സ്വന്തം റിസ്കിലാണ് മാള്ഡോവയിലെത്തിയത്. യുക്രൈന് വിട്ടതോടെ ആശ്വാസമായെന്നും ഒഡേസയിലുള്ള മലയാളി വിദ്യാര്ത്ഥികള് അടക്കം മാള്ഡോവയിലെത്തിയിട്ടുണ്ടെന്നും അലീന പറഞ്ഞു.
ഇന്ത്യന് ഉദ്യോഗസ്ഥര് വൈകാതെ മാള്ഡോവയിലെത്തും. ഉദ്യോഗസ്ഥരത്തിയതിന് ശേഷം വിദ്യാര്ത്ഥികളെ റൊമേനിയയിലേക്ക് കൊണ്ടുപോകാനാണ് നീക്കും.
തുടര്ന്ന് വിമാനത്തില് ഇന്ത്യയിലേക്ക് എത്തിക്കും. മാള്ഡോവയില് നിന്ന് വൈകാതെ തന്നെ രക്ഷാദൗത്യം ആരംഭിക്കുമെന്നാണ് വിവരം.
പ്രതികരിക്കാൻ ഇവിടെ എഴുതുക