കൊച്ചി:അന്വേഷണ ഉദ്യോഗസ്ഥര്ക്കെതിരായ വധഗൂഢാലോചനക്കേസില് തെളിവ് നശിപ്പിച്ചതിന് ദിലീപിന്റെ അഭിഭാഷകരെ ചോദ്യം ചെയ്യുന്നത് പരിഗണനയിലാണെന്ന് ക്രൈംബ്രാഞ്ച് . അതേസമയം കേസിൽ ചോദ്യം ചെയ്യാന് വിളിപ്പിച്ച സൈബർ വിദഗ്ദന് സായി ശങ്കര് ക്രൈംബ്രാഞ്ചിന് മുൻപാകെ ഇന്ന് ഹാജരായില്ല.
ഹൈക്കോടതി നിർദ്ദേശപ്രകാരം ദിലീപ് ഹാജരാക്കിയത് നാല് മൊബൈല് ഫോണുകളാണ്. എന്നാൽ ഹൈക്കോടതി രജിസ്ട്രിക്ക് ഇവ കൈമാറുന്നതിന് മുന്പ് ഈ ഫോണുകളിലെ തെളിവുകള് നശിപ്പിച്ചെന്നാണ് ക്രൈംബ്രാഞ്ച് കണ്ടെത്തിയിരിക്കുന്നത്.
രണ്ട് മൊബൈല് ഫോണുകളില് ക്രമക്കേട് നടത്തിയത് മുംബൈയിലെ ലാബില് വച്ചാണ് . മറ്റ് രണ്ടെണ്ണം സൈബർ വിദഗ്ദന് സായി ശങ്കറിന്റെ സഹായത്തോടെ കൊച്ചിയില് വച്ചെന്നാണ് ക്രൈംബ്രാഞ്ചിന്റെ ആരോപണം.
അഭിഭാഷകനായ ബി രാമന്പിള്ളയുടെ ഓഫീസ്, ഒരു പഞ്ചനക്ഷത്ര ഹോട്ടല് ,ഒരു ലോഡ്ജ്എന്നിവിടങ്ങളില് വെച്ചാണ് തെളിവുകള് നശിപ്പിച്ചത്.
ഇതിനായി ഉപയോഗിച്ച സായിശങ്കറിന്റെ ഭാര്യയുടെ പേരിലുള്ള ഐമാക് ഡസ്ക് ടോപ് കോഴിക്കോട്ട് നടത്തിയ റെയ്ഡില് കണ്ടെടുത്തതായി ക്രൈംബ്രാഞ്ച് എസ്.പി.മോഹനചന്ദ്രന് പറഞ്ഞു.
പ്രതികരിക്കാൻ ഇവിടെ എഴുതുക