കേരളം, തമിഴ്നാട് സംസ്ഥാനങ്ങളുടെ ഓരോ സാങ്കേതിക അംഗത്തെ ഉള്പ്പെടുത്തി മേല്നോട്ട സമിതി പുനഃസംഘടിപ്പിക്കുമെന്നും സുപ്രിംകോടതി കഴിഞ്ഞ തവണ പറഞ്ഞിരുന്നു.
ദേശീയ ഡാം സുരക്ഷാ അതോറിറ്റിയുടെ പ്രവര്ത്തനം പൂര്ണതോതിലാകാന് ഒരു വര്ഷമെടുക്കുമെന്ന് കേന്ദ്രസര്ക്കാര് സുപ്രിംകോടതിയെ അറിയിച്ചിരുന്നു. അതുവരെ മേല്നോട്ട സമിതിക്ക് തുടരാവുന്നതാണെന്ന് അഡിഷണല് സോളിസിറ്റര് ജനറല് ഐശ്വര്യ ഭാട്ടി നിര്ദേശം മുന്നോട്ടുവച്ചു.
സ്ഥിരം സമിതി രൂപീകരിക്കുന്നത് വരെ മേല്നോട്ട സമിതിക്ക് നിയമപരമായ എല്ലാ പ്രവര്ത്തനങ്ങളും നിര്വഹിക്കാന് കഴിയുമെന്ന് പറയണമെന്നാണോ എന്ന് കോടതി കേന്ദ്രത്തോട് ആരാഞ്ഞു. സ്ഥിരം സമിതി രൂപീകരണത്തിന് ഒരു വര്ഷമെടുക്കുമെന്ന് അഡിഷണല് സോളിസിറ്റര് ജനറല് മറുപടി നല്കി. അണക്കെട്ടിന്റെ ദൃഢത, ഘടന തുടങ്ങിയവ സംബന്ധിച്ച കാര്യങ്ങള് ആയതിനാല് സൂക്ഷ്മതയോടെ കൈകാര്യം ചെയ്യേണ്ട വിഷയമാണെന്ന് ജസ്റ്റിസ് എ.എം. ഖാന്വില്ക്കര് അധ്യക്ഷനായ ബെഞ്ച് പറഞ്ഞു.
പ്രതികരിക്കാൻ ഇവിടെ എഴുതുക