കൊച്ചി: നടിയെ ആക്രമിച്ച കേസില് ക്രൈംബ്രാഞ്ച് മേധാവി എസ്. ശ്രീജിത്തിനോട് റിപ്പോര്ട്ട് തേടി വിചാരണക്കോടതി. കോടതി ജീവനക്കാരെ ചോദ്യം ചെയ്യാന് നല്കിയ അപേക്ഷ ചോര്ന്ന സംഭവത്തിലാണ് നടപടി.
അപേക്ഷ ചോര്ന്നതുമായി ബന്ധപ്പെട്ട്കേസിലെ അന്വേഷണ ഉദ്യോഗസ്ഥന് ബൈജു പൗലോസിനോട് നേരിട്ട് കോടതിയില് ഹാജരാകാന് വിചാരണ കോടതി നിര്ദേശം നല്കിയിരുന്നു. കോടതി ജീവനക്കാരെ ചോദ്യം ചെയ്യണമെന്നാവശ്യപ്പെട്ടുള്ള അപേക്ഷ മാധ്യമങ്ങള്ക്ക് നല്കിയെന്ന പരാതിയിലായിരുന്നു നടപടി.
കേസിലെ തുടരന്വേഷണം രഹസ്യമായി സൂക്ഷിക്കണമെന്നായിരുന്നു കോടതിയുടെ നിര്ദേശം. എന്നാല് ഇത് പാലിക്കപ്പെട്ടില്ലെന്ന് ചൂണ്ടിക്കാട്ടിയാണ് ബൈജു പൗലോസിനോട് കോടതിയില് നേരിട്ട് ഹാജരാകാന് പറഞ്ഞത്.
കേസിലെ പ്രതി ദിലീപിന്റെ അഭിഭാഷകര്ക്കെതിരെ ബാര് കൗണ്സിലിന് അതിജീവിത ഔദ്യോഗിക പരാതി നല്കിയിരുന്നു. രാമന്പിള്ള ഉള്പ്പെടെയുള്ള അഭിഭാഷകരുടെ നിയമവിരുദ്ധ ഇടപെടലുകളില് അന്വേഷണം ആവശ്യപ്പെട്ടാണ് പരാതി നല്കിയത്.
പ്രതികരിക്കാൻ ഇവിടെ എഴുതുക