ഇന്ദ്രജിത്തിനെയും പൃഥ്വിരാജിനെയും തിരുത്താന് ഒരുപാട് തവണ ശ്രമിച്ചിട്ടുണ്ടെന്ന് മല്ലിക സുകുമാരന്. തുടക്കകാലത്തായിരുന്നു അത്തരം പ്രശ്നങ്ങള് ചൂണ്ടിക്കാട്ടിയിരുന്നതെന്ന് മല്ലിക സുകുമാരന് പറയുന്നു. ഒരു ഓണ്ലൈന് മാധ്യമത്തിന് നല്കിയ അഭിമുഖത്തിലാണ് വെളിപ്പെടുത്തല്.
‘തിരുത്താന് ഒരുപാട് ശ്രമിച്ചിട്ടുണ്ട്. അതായത് അവരുടെ അഭിപ്രായ സ്വാതന്ത്യ്രത്തില് ഇടപെട്ട് സംസാരിക്കുന്നതല്ല. രാജുവിന് അച്ഛന്റെ കൂട്ട് ഇത്തിരി ക്ഷമ കുറവാണ്. ഇന്ദ്രന് ഇത്തിരി കൂടിയും പോയി. ഇതൊക്കെ തുടക്കകാലത്തെ പ്രശ്നങ്ങളായിരുന്നു. രാജുവിനോട് ഞാന് പലപ്പോഴും പറഞ്ഞിട്ടുണ്ട്, നീ ഒരു ക്യാമറയുടെയോ ലെന്സിന്റെയോ കാര്യം ചോദിക്കുമ്പോള് പലര്ക്കും തോന്നും ഇന്നലെ വന്നവന് ക്യാമറയുടെ ലെന്സ് അറിയണമെന്ന്.
അവരെ സംബന്ധിച്ച് നീ ഇന്നലെ വന്ന പുതുമുഖ നടനാണ്. അങ്ങനെയുള്ളരാള് ചോദിക്കുമ്പോള് വല്ലായ്മ തോന്നുന്ന സംവിധായകരും ക്യാമറാമാന്മാരും പ്രൊഡ്യൂസര്മാരുമൊക്കെയുണ്ടാകും. അതുകൊണ്ട് കുറച്ചുകൂടി പോട്ടെ. നിനക്കിതെല്ലാം ആധികാരികമായി പറയാന് പറ്റുന്ന അവസരം ദൈവം കൊണ്ടുതരും’- എന്ന് താന് പറഞ്ഞിട്ടുണ്ടെന്ന് മല്ലിക വ്യക്തമാക്കി.
പ്രതികരിക്കാൻ ഇവിടെ എഴുതുക