റിയാദ്: 22 വര്ഷം കാത്തിരുന്ന മകന് സൗദിയില് നിന്നെത്തി കണ്കുളിര്ക്കെ കണ്ട് നാലാം ദിവസം ഉമ്മ കണ്ണടച്ചു.
നിയമക്കുരുക്കില് പെട്ട് ഒരുപാട് യാതനകളും പ്രയാസങ്ങളും അനുഭവിച്ച് സാമൂഹിക പ്രവര്ത്തകരുടെ ഇടപെടലില് സൗദി അറേബ്യയില് നിന്ന് നാട്ടിലെത്തിയ പാലക്കാട് പട്ടാമ്പി വല്ലപ്പുഴ സ്വദേശി ശരീഫിന്റെ ഉമ്മ ഫാത്തിമയാണ് ഇന്നലെ മരണപ്പെട്ടത്.
മകന് ശരീഫ് നിയമക്കുരുക്കില് പെട്ട് തിരിച്ചുവരാന് കഴിയാത്തതില് ഏറെ ദുഃഖിതയായിരുന്നു മാതാവ്. രണ്ട് പതിറ്റാണ്ടിലധികം കാലം തന്റെ മകന്റെ വരവും പ്രതീക്ഷിച്ചിരുന്ന ആ മാതാവ് എന്നും പ്രാര്ഥനയിലായിരുന്നു.
മരിക്കുന്നതിന് മുമ്പ് മകനെ കണ്കുളിര്ക്കെ കാണാനും ആശ്ലേഷിക്കാനും. ഒടുവില് മകനെത്തി മൂന്നു ദിവസത്തിന് ശേഷം അവര് മരണത്തിന് കീഴടങ്ങി.
പ്രതികരിക്കാൻ ഇവിടെ എഴുതുക