മുംബൈ: ഇരച്ചെത്തിയ ആരാധകരുടെ തിരക്കു കാരണം റസ്റ്ററന്റിൽനിന്നു പുറത്തിറങ്ങാനാകാതെ ഇന്ത്യന് ക്രിക്കറ്റ് ടീം ക്യാപ്റ്റൻ രോഹിത് ശർമ.
മുംബൈയിലെ ഒരു റസ്റ്ററന്റിൽനിന്നു പുറത്തെത്തിയ രോഹിത്, ആരാധകർ തിങ്ങിക്കൂടിയതു കാരണം ഹോട്ടലിലേക്കു തന്നെ തിരികെ കയറുകയായിരുന്നു.
സുരക്ഷാ ഉദ്യോഗസ്ഥരുടെ നിർദേശ പ്രകാരമാണ് രോഹിത് റസ്റ്ററന്റിലേക്കു തന്നെ മടങ്ങിയത്.
സംഭവത്തിന്റെ വിഡിയോ ദൃശ്യങ്ങള് സമൂഹ മാധ്യമങ്ങളിൽ വൈറലാണ്. രോഹിത്തിനെ ഒരു നോക്ക് കാണാൻ ആരാധകർ ഭ്രാന്തമായി ആഗ്രഹിക്കുന്നെന്നാണ് ഒരാൾ വിഡിയോ പങ്കുവച്ചുകൊണ്ടു പ്രതികരിച്ചത്.
ഏഷ്യ കപ്പ് ക്രിക്കറ്റിനായുള്ള തയാറെടുപ്പുകളിലാണ് രോഹിത് ശർമ. അതിനിടെയാണ് മുംബൈയിലെ റസ്റ്ററന്റിൽ താരം ഭക്ഷണം കഴിക്കാനെത്തിയത്.
പ്രതികരിക്കാൻ ഇവിടെ എഴുതുക