കൊതുകുകള് പരത്തുന്ന പല അസുഖങ്ങളെയും കുറിച്ച് നമുക്കറിയാം. ഡെങ്കിപ്പനി, മലേരിയ തുടങ്ങി ആരോഗ്യത്തിന് നേരെ ഗൗരവതതരമായ വെല്ലുവിളികളുയര്ത്തുന്ന രോഗങ്ങളുടെ വാഹകരായി പോലും കൊതുകുകള് മാറാറുണ്ട്. ഇതില് നിന്നെല്ലാം രക്ഷ നേടാൻ പരമാവധി കൊതുകിന് അനുകൂലമായ അന്തരീക്ഷം ഉണ്ടാക്കാതിരിക്കുകയാണ് വേണ്ടത്.
വീടുകളിലും ജോലിയിടങ്ങളിലുമെല്ലാം പരിസരം ശുചിയായി സൂക്ഷിക്കുക, വെള്ളം കെട്ടിക്കിടക്കാൻ അനുവാദിക്കാതിരിക്കുക, മാലിന്യം തുറസായി നിക്ഷേപിക്കാതിരിക്കുക എന്നിവയാണ് പ്രധാനമായും ചെയ്യാനുള്ളത്.
കൊതുകുകടി ഏല്ക്കാതിരിക്കാൻ മുന്നൊരുക്കങ്ങളെടുക്കുന്നതും കൊതുകുജന്യ രോഗങ്ങളില് നിന്ന് നമ്മെ സംരക്ഷിക്കും.
കര്പ്പൂരം : കര്പ്പൂരം കത്തിച്ചുവയ്ക്കുന്നതും കൊതുകിനെ അകറ്റിനിര്ത്തും. ഇതിന്റെ ഗന്ധം തന്നെയാണ് പ്രധാന സവിശേഷത. വാതിലുകളും ജനാലകളുമെല്ലാം അടച്ച ശേഷമാണ് കര്പ്പൂരം പുകയ്ക്കേണ്ടത്. 20 മിനുറ്റെങ്കിലും പുകച്ചാല് തീര്ച്ചയായും ഇതിന് ഫലം കാണും.
ലാവണ്ടര് ഓയില് : ലാവണ്ടര് പൂക്കളില് നിന്നുത്പാദിപ്പിക്കുന്ന ഓയിലാണിത്. ഇതിന്റെ ഗന്ധവും രോഗാണുക്കള്ക്കെതിരെ പോരാടാനുള്ള കഴിവും ഇതിനെ കൊതുകിനെ ചെറുക്കാൻ അനുയോജ്യമാക്കുന്നു.
സിട്രോണെല്ല ഓയില് : ചെറിയ പ്രാണികളെ തുരത്താൻ ഉപയോഗിക്കുന്നൊരു ഓയിലാണിത്. കൊതുകിനെ അകറ്റാനും ഏറെ പ്രയോജനപ്രദം. സിട്രോണെല്ല കാൻഡിലും വിപണിയില് ലഭ്യമാണ്. മോയിസ്ചറൈസറായി ദേഹത്ത് തേക്കുകയും ആവാം.
.
ടീ ട്രീ ഓയില് : ഓസ്ട്രേലിയയില് നിന്നുമുള്ള ഒരു ഓയിലാണിത്. ബാക്ടീരിയ, മറ്റ് സൂക്ഷ്മമായ രോഗാണുക്കള് എന്നിവയ്ക്കെതിരെ പോരാടാൻ ഇവയ്ക്ക് പ്രത്യേക കഴിവാണ്. പ്രാണികളെയും കൊതുകിനെയുമെല്ലാം തുരത്താന് ഏറെ സഹായകമാണ്.
നീം ഓയില് : ഇത് കൊതുകിനെ തുരത്താൻ കഴിവുള്ള ഓയിലാണ്. എന്നാല് ചിലര്ക്ക് ഈ ഓയില് ചര്മ്മത്തിന് അസ്വസ്ഥതയുണ്ടാക്കും. അതിനാല് ഇക്കാര്യം ശ്രദ്ധിക്കുക. വെളിച്ചെണ്ണയോ മറ്റേതെങ്കിലും എണ്ണയോ ചേര്ത്ത് നേര്പ്പിച്ച് ഉപയോഗിക്കുന്നത് ചര്മ്മപ്രശ്നങ്ങള് തടയാൻ സഹായിക്കും.
പ്രതികരിക്കാൻ ഇവിടെ എഴുതുക