ഇന്ന് 71-ാം പിറന്നാള് ആഘോഷിക്കുകയാണ് മലയാളികളുടെ പ്രിയനടൻ മമ്മൂട്ടി.ഇപ്പോൾ ഇതാ പിറന്നാള് ആശംസകള് നേര്ന്നുകൊണ്ട് രമേശ് പിഷാരടി സോഷ്യല് മീഡിയയില് പോസ്റ്റ് ചെയ്ത ഒരു വീഡിയോയാണ് വൈറല് ആയിരിക്കുന്നത്.
കൗമാരക്കാരനായ ഒരു ആരാധകന് മമ്മൂട്ടിയെ മൊബൈല് ക്യാമറയില് പകര്ത്തിക്കൊണ്ട് സൈക്കിളില് പായുന്നതിന്റെ വീഡിയോയാണ് രമേശ് പിഷാരടി പങ്കുവച്ചിരിക്കുന്നത്. മമ്മൂട്ടിയുടെ കാര് വരുന്നത് ദൂരെനിന്നേ കണ്ട കുട്ടി മൊബൈല് ക്യാമറ പ്രവര്ത്തിപ്പിച്ചുകൊണ്ട് വേഗത്തില് സൈക്കിള് ചവിട്ടുന്നുണ്ട്. മുന്നിലേക്ക് നോക്കുമ്പോഴും പിന്നിലൂടെ വരുന്ന കാറിനെ ലക്ഷ്യമാക്കി തിരിച്ചുപിടിച്ചിരിക്കുകയാണ് ക്യാമറ. കാര് അടുത്തെത്തുമ്പോള് വലിയ ആവേശത്തോടെ ഇക്കാ, ടാറ്റാ എന്ന് പറയുകയാണ് കുട്ടി ആരാധകന്. വിന്ഡോ ഗ്ലാസ് താഴ്ത്തിയിട്ടിരിക്കുന്ന മമ്മൂട്ടി ഇത് കേള്ക്കുകയും കുട്ടിയെ കൈ വാശി കാണിക്കുന്നുമുണ്ട്. ഒരു പുഞ്ചിരിയും മമ്മൂട്ടിയുടെ മുഖത്തുണ്ട്. ‘അകത്തും പുറത്തും സ്നേഹത്തോടെ…’ എന്നാണ് വീഡിയോയ്ക്ക് പിഷാരടി നല്കിയിരിക്കുന്ന ക്യാപ്ഷന്.
കോട്ടയം ജില്ലയിലെ വൈക്കത്ത് ഒരു സാധാരണ മുസ്ലിം കുടുംബത്തിലാണ് അദ്ദേഹത്തിന്റെ ജനനം. കൊച്ചി മഹാരാജാസ് കോളേജിൽ നിന്ന് പ്രി ഡിഗ്രിയും, എറണാകുളം ലോ കോളേജിൽ നിന്ന് എൽ എൽ ബിയും കരസ്ഥമാക്കിയതിനു ശേഷം മഞ്ചേരിയിൽ രണ്ടു വർഷം സേവനം അനുഷ്ടിച്ചു.
‘വില്ക്കാനുണ്ട് സ്വപ്നങ്ങൾ’ എന്ന ചിത്രത്തിലാണ് ആദ്യം അഭിനയിക്കുന്നത്, തുടർന്ന് അതേ വർഷം പുറത്തിറങ്ങിയ മേള, തൃഷ്ണ തുടങ്ങിയ ചിത്രങ്ങളിലും അഭിനയിച്ചു.മമ്മൂട്ടിക്ക് ആദ്യമായ് താര പദവി നേടിക്കൊടുത്ത ചിത്രമാണ് ‘യവനിക’. ഇതിൽ അദ്ദേഹം അവതരിപ്പിച്ച ശക്ത്തമായ പോലീസ് കഥാപാത്രം പിൽക്കാലത്ത് തരംഗമായ് മാറി.
പ്രതികരിക്കാൻ ഇവിടെ എഴുതുക