കോഴിക്കോട്: അവധിക്ക് നാട്ടിലെത്തിയ പ്രവാസി തറവാട് വീട്ടില് അസുഖ ബാധിതനായി കിടക്കുന്ന പിതാവിനെ പരിചരിച്ച ശേഷം ഭാര്യയോടൊപ്പം സ്വന്തം വീട്ടിലേക്ക് ബൈക്കില് മടങ്ങുന്നതിനിടെ തലയില് തേങ്ങ വീണ് മരിച്ചു.
കോഴിക്കോട് അത്തോളി കൊങ്ങന്നൂര് പുനത്തില് പുറയില് അബൂബക്കറിന്റെ മകന് പുനത്തില് പുറായില് മുനീര് (49) ആണ് മരിച്ചത്.
ബൈക്കില് സഞ്ചരിക്കുന്നതിനിടെയായിരുന്നു മുനീറിന്റെ തലയില് തേങ്ങ വീണ് പരിക്കേറ്റത്.
തിങ്കളാഴ്ച വൈകുന്നേരം ആറ് മണിയോടെയായിരുന്നു സംഭവം. ഭാര്യയോടൊപ്പം സ്വന്തം വീട്ടിലേക്ക് ബൈക്കില് മടങ്ങുന്നതിനിടെയാണ് വഴിയരികിലെ തെങ്ങില് നിന്ന് മുനീറിന്റെ തലയില് തേങ്ങ വീണത്. തുടര്ന്ന് കോഴിക്കോട് മെഡിക്കല് കോളേജില് ചികിത്സയിലിരിക്കവെ ബുധനാഴ്ച പുലര്ച്ചെയായിരുന്നു മരണം സംഭവിച്ചത്.
പ്രതികരിക്കാൻ ഇവിടെ എഴുതുക