നമുക്ക് ചുറ്റും കിട്ടുന്ന വസ്തുക്കള് കൊണ്ട് തന്നെ കഴുത്തിലെ കറുപ്പ് നിറം മാറ്റാം. എങ്ങനെയൊക്കെയെന്ന് നോക്കാം.
പാലും തേനും
രണ്ട് സ്പൂണ് പാല്, തേന്, അല്പം ചെറുനാരങ്ങാനീര് എന്നിവ നാല് തുള്ളി ബദാം ഓയിലില് നന്നായി യോജിപ്പിച്ച് പുരട്ടാം. ഇത് കഴുത്തിലെ കറുപ്പിന് പെട്ടെന്ന് തന്നെ പരിഹാരം കാണാവുന്നതാണ്.
തക്കാളി നീര്
സൗന്ദര്യസംരക്ഷണത്തിന് ഏറ്റവും ഫലപ്രദമായി ഉപയോഗിക്കാവുന്ന ഒന്നാണ് തക്കാളി നീര്. രണ്ട് സ്പൂണ് തക്കാളി നീരില് നാരങ്ങാനീര് ചേര്ത്ത് കഴുത്തില് തേച്ച് പിടിപ്പിക്കാം. ഇത് കഴുത്തിലെ കറുപ്പിനെ ഇല്ലാതാക്കാം.
ഇറുകിപ്പിടിച്ച ആഭരണങ്ങള്
കഴുത്തില് ഇറുകി പിടിച്ചിരിക്കുന്ന ആഭരണങ്ങള് ഒഴിവാക്കുക. ഇത് കഴുത്ത് കൂടുതല് കറുപ്പ് ഉണ്ടാക്കും. മാത്രമല്ല റോള്ഡ് ഗോള്ഡ് പോലുള്ള ആഭരണങ്ങളും കഴുത്തില് കറുപ്പുണ്ടാക്കും.
കറുത്ത മുന്തിരി
കറുത്ത മുന്തിരി പിഴിഞ്ഞ നീരും അര ടീസ്പൂണ് വിനാഗിരിയും നാലു ടീസ്പൂണ് പനിനീരും യോജിപ്പിച്ച് കഴുത്തില് പുരട്ടാം. ഇത് കഴുത്തിന്റെ കറുപ്പ് നിറം ഇല്ലാതാക്കി വളരെയധികം നിറം വര്ദ്ധിപ്പിക്കാന് സഹായിക്കുന്നു.
പപ്പായ
പഴുത്ത പപ്പായ നീരില് ഒരു ടീസ്പൂണ് ഇന്തുപ്പും ഒരു നുള്ള് പച്ച കര്പ്പൂരവും കലര്ത്തി കഴുത്തില് പുരട്ടുക. പപ്പായക്ക് ചര്മ്മത്തിന്റെ നിറം വര്ദ്ധിപ്പിക്കാനുള്ള ഗുണമുണ്ട്.
പ്രതികരിക്കാൻ ഇവിടെ എഴുതുക