സാൻഫ്രാൻസിസ്കോ: കലോഗോ ശിൽപം ഉൾപ്പെടെ ലേലത്തിൽ വിറ്റ് ട്വിറ്റർ. ചൊവ്വാഴ്ച മുതൽ സാൻഫ്രാൻസിസ്കോയിലെ ഹെഡ് ക്വാർട്ടേഴ്സിലാണ് ലേലം നടത്തിയത്.
631 വസ്തുക്കളാണ് ലേലത്തിൽ വിറ്റത്. ഓഫിസിലെ അധിക ഉപകരണങ്ങളും അനാവശ്യ വസ്തുക്കളുമാണ് വിറ്റഴിച്ചതെന്ന് ട്വിറ്റര് അറിയിച്ചു. ഇലക്ട്രോണിക്സ് ഉപകരണങ്ങള്, ഫര്ണിച്ചറുകള്, അടുക്കള ഉപകരണങ്ങള് ഉള്പ്പെടെയാണ് ലേലത്തിൽ വിറ്റത്.
ഓണ്ലൈന് ലേലത്തില് ഏറ്റവും അധികം തുകയ്ക്ക് വിറ്റഴിക്കപ്പെട്ടത് ട്വിറ്ററിന്റെ ലോഗോ ആയ പക്ഷിയുടെ രൂപത്തിലുള്ള ശില്പമാണ്. ഒരു ലക്ഷം ഡോളറിനാണ് ശിൽപം വിറ്റുപോയത്.
നാല് അടിയോളം ഉയരമുള്ള ശില്പം ആരാണ് വാങ്ങിയതെന്ന് വ്യക്തമല്ല. ഏറ്റവും അധികം തുക ലഭിച്ച രണ്ടാമത്തെ വസ്തുവും ട്വിറ്റര് പക്ഷിയുടെ ഒരു നിയോണ് ഡിസ്പ്ലേയാണ്. 40,000 ഡോളറാണ് ലഭിച്ചത്.
ആയിരക്കണക്കിന് മാസ്കുകളും നിരവധി സൗണ്ട് പ്രൂഫ് ഫോണ് ബൂത്തുകളും വിറ്റു. എല്ലാ ഉപകരണങ്ങള്ക്കും 25 ഡോളറിലും 55 ഡോളറിലുമാണ് ലേലം തുടങ്ങിയത്.
ട്വിറ്റർ ഏറ്റെടുത്തതിനുശേഷം ഇലോണ് മസ്കിന്റെ നേതൃത്വത്തില് ശക്തമായ ചെലവു ചുരുക്കല് നടപടികളാണ് നടപ്പാക്കുന്നത്. പകുതിയിലേറെ ജീവനക്കാരെ പിരിച്ചുവിട്ട കമ്പനി വിവിധ ഓഫിസ് കെട്ടിടങ്ങളും അവിടുത്തെ ഉപകരണങ്ങളുമെല്ലാം വിറ്റഴിച്ച് കാശാക്കുകയാണ്.
പ്രതികരിക്കാൻ ഇവിടെ എഴുതുക