ഉള്ളിയുടെ തൊലിയും അതിൽ നിന്ന് ഉണ്ടാക്കുന്ന ചായയും എങ്ങനെ ആരോഗ്യത്തിന് ഗുണം ചെയ്യും എന്ന് നമുക്കറിയാം.
ഉള്ളി തൊലിയുടെ ഗുണങ്ങൾ
കാഴ്ചശക്തി വർദ്ധിപ്പിക്കും
ഉള്ളി തൊലിയിൽ വിറ്റാമിൻ സി ധാരാളം അടങ്ങിയിട്ടുണ്ട്. കൂടാതെ വിറ്റാമിൻ എ യും ഇതിൽ അടങ്ങിയിട്ടുണ്ട്. അതുകൊണ്ടുതന്നെ ഉള്ളിത്തൊലി കൊണ്ട് ഉണ്ടാക്കുന്ന ചായ കാഴ്ചശക്തി വർദ്ധിപ്പിക്കാൻ വളരെ ഉത്തമമാണ്.
ചർമ്മസൗന്ദര്യം വർദ്ധിപ്പിക്കും
വൈറ്റമിൻ സി, ഇ എന്നിവയാൽ സമ്പുഷ്ടമാണ് ഉള്ളി തൊലി അതുകൊണ്ടുതന്നെ നിങ്ങളുടെ ചർമ്മത്തിന്റെ സൗന്ദര്യം വർദ്ധിപ്പിക്കാൻ ഉള്ളിത്തൊലി ഉത്തമമാണ്. ഇതിന്റെ ഉപയോഗം ചർമത്തിന്റെ തിളക്കം അത്ഭുതകരമെന്ന പോലെ വർധിപ്പിക്കും. ഉള്ളി തൊലിയിൽ ആന്റിഫംഗൽ ഗുണങ്ങളുണ്ട്, അതിനാൽ ചർമ്മത്തിൽ ഏതെങ്കിലും തരത്തിലുള്ള ചൊറിച്ചിൽ പ്രശ്നമുണ്ടെങ്കിൽ ഇതിന്റെ ഉപയോഗം നിങ്ങൾക്ക് ഗുണം ചെയ്യും.
ചുമ ശമിപ്പിക്കുക
ഉള്ളി തൊലിയിൽ അടങ്ങിയിട്ടുള്ള ആൻറി-ഇൻഫ്ലമേറ്ററി, ആന്റിഓക്സിഡന്റ് ഗുണങ്ങൾ ജലദോഷം, ചുമ, പനി എന്നിവയുടെ ലക്ഷണങ്ങളെ നിയന്ത്രിക്കാൻ സഹായിക്കും. ഇത് സീസണൽ അണുബാധയുടെ സാധ്യതയും കുറയ്ക്കുന്നു. വിറ്റാമിൻ സി സ്വാഭാവികമായും പ്രതിരോധശേഷി വർദ്ധിപ്പിക്കാൻ സഹായിക്കുന്ന ശക്തമായ ആന്റിഓക്സിഡന്റാണ്.
കലോറി കുറയ്ക്കാം
ഉള്ളി തൊലിയിൽ നിന്നും ഉണ്ടാക്കുന്ന ചായയിൽ കലോറി കുറവാണ്. അതിനാൽ ഇത് കലോറി കുറഞ്ഞ പാനീയമായി ഉപയോഗിക്കുന്നു. ഈ ചായ നിങ്ങൾക്ക് ഇടയ്ക്കിടെ കുടിക്കാം ഇതിലൂടെ നിങ്ങളുടെ ശരീരത്തിലെ കലോറി കുറയ്ക്കാനും സഹായിക്കും. ഉള്ളി തൊലിയിൽ അടങ്ങിയിരിക്കുന്ന ഫ്ലേവനോയ്ഡുകൾ ഹൃദയത്തിനും നല്ലതാണ്. ഇത് കൊളസ്ട്രോൾ കുറയ്ക്കാനും സഹായിക്കും.
ഉള്ളി തൊലികൊണ്ട് ചായ ഉണ്ടാക്കുന്ന വിധം
അതിനായി വേണ്ടത് ഇടത്തരം വലിപ്പത്തിലുള്ള 4 ഉള്ളി, 2 കപ്പ് വെള്ളം, തേൻ 1 ടീസ്പൂൺ എന്നിവയാണ്. ആദ്യം ഉള്ളി തൊലി പൊളിച്ചെടുക്കുക. ശേഷം അതിനെ ഒരു പാത്രത്തിൽ എടുത്ത് വെള്ളമൊഴിച്ചു നന്നായി വൃത്തിയാക്കുക. ശേഷം ഒരു പാൻ ഗ്യാസിൽ വയ്ക്കുക അതിലേക്ക് 2 കപ്പ് വെള്ളവും ഈ ഉള്ളി തൊലികളും ചേർക്കുക. വെള്ളം കുറച്ചുനേരം തിളപ്പിക്കണം. അതിന്റെ നിറം മാറാൻ തുടങ്ങുമ്പോൾ ഗ്യാസ് ഓഫ് ചെയ്യുക. ശേഷം ഈ ചായയിൽ ആവശ്യത്തിനുള്ള തേൻ ചേർത്ത് കുടിക്കുക.
പ്രതികരിക്കാൻ ഇവിടെ എഴുതുക