മലയാളികളുടെ പ്രിയപെട്ട നടനാണ് ഉണ്ണി മുകുന്ദൻ. ഇപ്പോൾ സിനിമയിൽ തിളങ്ങുന്ന താരത്തിന്റെ സിനിമയിലെ തുടക്കകാലം ഏറെ കഷ്ടതകള് നിറഞ്ഞതാണെന്ന് താരം തന്നെ പല അഭിമുഖങ്ങളിലും തുറന്നു പറഞ്ഞിട്ടുണ്ട്.
കരിയറിന്റെ ഒരു ഘട്ടത്തില് എല്ലാം നഷ്ടപ്പെട്ട് ഇനിയൊന്നും ഇല്ലെന്ന അവസ്ഥ എത്തിയപ്പോള് ഉണ്ണി താമസിച്ചിരുന്ന അപ്പാർട്ട്മെന്റിനു മുകളില് നിന്നും ചാടി ആത്മഹത്യയ്ക്ക് ശ്രമിച്ചിരുന്നു എന്ന് ഒരു സുഹൃത്ത് പറഞ്ഞിരുന്നു. ഈ വാർത്ത ഏറെ ചർച്ച ആയിരുന്നു. ഇപ്പോൾ അതിന് പ്രതികരണവുമായി രംഗത്ത് എത്തിയിരിക്കുകയാണ് താരം.
അന്ന് താന് തേവര കോങ്കുരുത്തി ഭാഗത്തെ ഒരു ഫ്ളാറ്റിലായിരുന്നു താമസം. അന്ന് നാല് പേരാണ് ഉണ്ടായിരുന്നത്. ഇക്കാര്യം പറഞ്ഞ ജെയ്സല് എന്ന സുഹൃത്ത് കല്യാണം കഴിഞ്ഞ കപ്പിള് ആയിട്ടായിരുന്നു. അവര് താഴെ റൂമിലും തങ്ങള് റൂഫ് ടോപില് ടെന്റ് കെട്ടിയുമാണ് താമസിച്ചിരുന്നത്. അവിടെ നിന്നാണ് താന് സിനിമയ്ക്ക് വേണ്ടി ശ്രമിച്ചിരുന്നത്. അങ്ങനെ ഒരിക്കല് സംസാരിക്കുന്നതിന് ഇടയില് ജെയ്സലിനോട് പറഞ്ഞ് പോയതാണ് അത് എന്നാണ് താരം പറയുന്നത്.
സത്യത്തില് ആത്മഹത്യയ്ക്ക് ശ്രമിച്ചിട്ടില്ല. ജെയ്സലിന് താന് പറഞ്ഞത് ഭയങ്കരമായി ടച്ച് ചെയ്തിരുന്നു. അവന് ഒരുപാട് കഷ്ടതകളില് നിന്ന് വന്നതാണ്. അന്ന് തനിക്ക് യാതൊരു സിനിമ ബന്ധവും ഇല്ല. ഇന്റസ്ട്രിയെ കുറിച്ച് അറിയുകയും ഇല്ല. ഏതാണ്ട് 23-24 വയസ്സ് മാത്രമുള്ളു. ആ സമയത്ത് തന്നെ സിനിമയുമായി ബന്ധപ്പെട്ട കാര്യങ്ങള് തന്നെ വളരെ അധികം സമ്മര്ദ്ദത്തില് ആക്കിയിരുന്നു എന്നും താരം ഓർത്തെടുക്കുന്നു.
കരിയര് എങ്ങനെ കൊണ്ടു പോകണമെന്നൊന്നും എനിക്ക് അറിയില്ലായിരുന്നു. വിചാരിക്കുന്നത് പോലെ ആയിരുന്നില്ല കാര്യങ്ങള് മുന്നോട്ട് പോയിരുന്നത്. ആ സമയത്ത് അനുഭവിച്ചിരുന്ന മാനസികാവസ്ഥയില് ആത്മഹത്യയെ കുറിച്ച് ചിന്തിച്ചു പോയതാണ്. പക്ഷെ ഞാന് അതിന് ശ്രമിച്ചിട്ടില്ലഎന്നും താരം കൂട്ടിച്ചേർത്തു.
പ്രതികരിക്കാൻ ഇവിടെ എഴുതുക