അനിൽ ആന്റണിയുടെ ബിജെപി പ്രവേശനത്തിൽ പ്രതികരിച്ച് മന്ത്രി പി എ മുഹമ്മദ് റിയാസ് .അന്ധമായ മാര്ക്സിസ്റ്റ് വിരോധത്തില് ഉണ്ടുറങ്ങി ജീവിച്ചാല് സ്വന്തം വീടുകളില് ഇനിയും അനില് ആന്റണിമാരുണ്ടാകുമെന്ന് കോണ്ഗ്രസിനെ ഓര്മിപ്പിക്കുന്നതായി മന്ത്രി പറഞ്ഞു.
ആരെങ്കിലും കോണ്ഗ്രസ് വിട്ട് ബിജെപിയില് ചേരുന്നതില് സന്തോഷം കൊള്ളുന്നവരല്ല സിപിഎമ്മും ഇടതുപക്ഷവും. മതനിരപേക്ഷ ചേരി ദുര്ബലമാവരുത് എന്ന നിലപാടാണ് ഞങ്ങള്ക്കുള്ളത്.
എന്നാല്, മുന് മുഖ്യമന്ത്രി എകെ ആന്റണിയുടെ മകനും കെപിസിസി ഡിജിറ്റല് മീഡിയ കണ്വീനര്, എഐസിസി സോഷ്യല് മീഡിയ കോ-ഓര്ഡിനേറ്റര് എന്നീ പദവികളിലിരുന്ന വ്യക്തിയുമായ അനില് ആന്റണി ബിജെപിയിലേക്ക് പോയ സംഭവത്തില് കേരളത്തിലെയും അഖിലേന്ത്യാ തലത്തിലെയും കോണ്ഗ്രസ് നേതൃത്വം തങ്ങളുടെ സംഘടനയുടെ അവസ്ഥയെക്കുറിച്ചും രാഷ്ട്രീയ നിലപാടുകളെക്കുറിച്ചും പുനര്വിചിന്തനം ചെയ്യണമെന്നും റിയാസ് അഭ്യർത്ഥിച്ചു.
പ്രതികരിക്കാൻ ഇവിടെ എഴുതുക