ലൈഫ് മിഷന് നിര്മ്മാണം പൂര്ത്തിയാക്കിയ ഭവന സമുച്ചയങ്ങളുടെ ഉദ്ഘാടനം മുഖ്യമന്ത്രി പിണറായി വിജയന് നിര്വ്വഹിച്ചു. 14 ലക്ഷം പേരാണ് പദ്ധതിയിലുടെ സ്വന്തം വീടിനര്ഹരായതെന്ന് മുഖ്യമന്ത്രി ചടങ്ങില് പറഞ്ഞു
കണ്ണൂര് കടമ്പൂരിലെ 44 ഗുണഭോക്താക്കള്ക്ക് മുഖ്യമന്ത്രി താക്കോല് കൈമാറി. കടമ്പൂരിന് പുറമെ കൊല്ലം പുനലൂരിലും കോട്ടയം വിജയപുരത്തും ഇടുക്കി കരിമണ്ണൂരിലുമാണ് ഭവനസമുച്ചയങ്ങള് ഇന്ന് കൈമാറിയത്. പുനലൂരില് മന്ത്രിമാരായ കെഎന് ബാലഗോപാല്, ജെ ചിഞ്ചുറാണി എന്നിവര് താക്കോല് കൈമാറി
അമ്പതാം വയസില് രണ്ടാം വിവാഹത്തിനൊരുങ്ങി നടന് പ്രശാന്ത്
സര്ക്കാരിന്റെ രണ്ടാം വാര്ഷികത്തോട് അനുബന്ധിച്ചുള്ള നൂറുദിന പരിപാടിയുടെ ഭാഗമായാണ് ചടങ്ങുകൾ നടക്കുന്നത്. ഇതുവരെ 3,39,822 ഗുണഭോക്താക്കള് ലൈഫ് സമ്പൂര്ണ്ണ പാര്പ്പിട പദ്ധതിയുടെ ഭാഗമായി ഭവനനിര്മ്മാണം പൂര്ത്തീകരിച്ചിട്ടുണ്ട്. 2022 ഏപ്രില് മുതല് ഇതുവരെ 54,430 വീടുകളുടെ നിര്മ്മാണം പൂര്ത്തീകരിച്ചു. 60,160 വീടുകളുടെ നിര്മ്മാണം പുരോഗമിക്കുകയാണ്.
കൂടാതെ 25 ഭവനസമുച്ചയങ്ങളുടെ നിര്മ്മാണവും നടക്കുന്നുണ്ട്. എറണാകുളം ജില്ലയിലെ നെല്ലിക്കുഴി, തിരുവനന്തപുരം ജില്ലയിലെ പൂവച്ചല് എന്നീ പഞ്ചായത്തുകളില് പദ്ധതിയിലൂടെ ഭവനങ്ങൾ നിർമ്മിക്കുവാനും തീരുമാനിച്ചിട്ടുണ്ട്. സര്ക്കാര് സബ്സിഡിയോടെ കെട്ടിടത്തില് സൗരോര്ജ പ്ലാന്റുകള് അനെര്ട് സ്ഥാപിച്ചിട്ടുണ്ട്. ഹൈദരാബാദ് ആസ്ഥാനമാക്കി പ്രവര്ത്തിക്കുന്ന പെന്നാര് ഇന്ഡസ്ട്രീസ് എന്ന കമ്പനിയാണ് കടമ്പൂരിലെ നിര്മാണം നിര്വഹിച്ചത്.
പ്രതികരിക്കാൻ ഇവിടെ എഴുതുക