മണിമല അപകടത്തില് മരിച്ച സഹോദരങ്ങളുടെ പിതാവ് ജോളി പ്രതികരണവുമായി മാധ്യമങ്ങളുടെ മുൻപിൽ. ജോസ് കെ മാണിയുടെ മകനോട് വിദ്വേഷമൊന്നുമില്ലെന്നും തന്റെ കുടുംബത്തിന് നീതി നിഷേധിക്കരുതെന്നും ജോളി പ്രതികരിച്ചു.
മരിച്ച ജിസിന്റെ ഗര്ഭിണിയായ ഭാര്യയ്ക്ക് മുന്നോട്ടുളള ജീവിതത്തിന് ജോലി നല്കണം. അപകടശേഷം ജോസ് കെ മാണിയുടെ വീട്ടില് നിന്ന് ആരും ഇതുവരെ വന്നിട്ടില്ലെന്നും ജോളി പറഞ്ഞു.
അപകട ശേഷം ജോസ് കെ മാണിയുടെ കുടുംബത്തില് നിന്ന് രണ്ടു ലക്ഷം നഷ്ടപരിഹാരം വാങ്ങിയെന്ന പ്രചരണം വ്യാജമാണെന്നും ജോളി പറഞ്ഞു. ഇനിയും പൈസ വന്നുകൊണ്ടിരിക്കുമെന്ന് ചിലര് പ്രചരിപ്പിക്കുന്നുണ്ട്.
അപകടശേഷം ജോസ് കെ മാണിയോ അദ്ദേഹവുമായി ബന്ധപ്പെട്ട മറ്റാരെങ്കിലുമോ കാണാന് വരികയോ വിളിക്കുകയോ പോലും ചെയ്തിട്ടില്ലെന്നും നുണപ്രചാരണങ്ങള് അവസാനിപ്പിക്കണമെന്നും ജോളിപറഞ്ഞു.
പ്രതികരിക്കാൻ ഇവിടെ എഴുതുക