വന്ദേഭാരത് എക്സപ്രസിന്റെ ഉദ്ഘാടനവും ട്രാക്ക് നവീകരണവും കണക്കിലെടുത്ത് ട്രെയിന് സര്വീസുകള്ക്ക് നിയന്ത്രണം ഏര്പ്പെടുത്തി. കണ്ണൂര് തിരുവനന്തപുരം ജനശതാബ്ദി റദ്ദാക്കി.
മലബാര് എക്സ്പ്രസ്, അമൃത എക്സ്പ്രസ്, ശബരി എക്സ്പ്രസ് എന്നീ ട്രെയിനുകള് കൊച്ചുവേളിയില് സര്വീസ് അവസാനിപ്പിക്കും. കൊല്ലം – തിരുവനന്തപുരം ട്രെയിന് കഴക്കൂട്ടം വരെ മാത്രമാകും സര്വീസ് നടത്തുക. നാഗര്കോവില് – കൊച്ചുവേളി ട്രെയിന് നേമം വരെ മാത്രമേ സര്വീസ് നടത്തൂ.
വന്ദേഭാരത് ട്രെയിന് സര്വീസ് തുടങ്ങുന്നത് കണക്കിലെടുത്ത് വേണാട് എക്സ്പ്രസ്, പാലരുവി എക്സ്പ്രസ് എന്നിവയുടെ സമയത്തിലും മാറ്റം വരുത്തിയിട്ടുണ്ട്. ഏപ്രില് 28 മുതല് രാവിലെ 5.25നാണ് തിരുവനന്തപുരത്ത് നിന്ന് വേണാട് എക്സ്പ്രസ് പുറപ്പെടുക. കായംകുളം വരെയാണ് സമയമാറ്റം.
പ്രതികരിക്കാൻ ഇവിടെ എഴുതുക