വണ്ണം കുറയ്ക്കാന് പല വഴികള് പരീക്ഷിച്ചു പരാജയപെട്ടവർ ആണോ നിങ്ങൾ. ഇതാ ചില വഴികൾ. വണ്ണം കുറയ്ക്കാന് ആഗ്രഹിക്കുന്നവര് രാത്രികാലങ്ങളിൽ കുറച്ച് ഭക്ഷണം മാത്രം കഴിക്കാന് ശ്രമിക്കുക. അത്താഴം അത്തിപഴത്തോളമെന്നാണ് പഴമക്കാര് പറയുന്നത്. അത്താഴം കഴിഞ്ഞ് ശരീരത്തിന് കാര്യമായ അധ്വാനങ്ങളൊന്നും നേരിടേണ്ടി വരാത്തതിനാല് വളരെ കുറച്ച് ഭക്ഷണം മാത്രമേ രാത്രി കഴിക്കാന് പാടുള്ളൂ. ഇല്ലെങ്കില് അവ ദഹിക്കാന് ബുദ്ധിമുട്ടാണ്.
രാത്രി വളരെ വൈകി ഭക്ഷണം കഴിക്കുന്നതും വണ്ണം വയ്ക്കാനൊരു പ്രധാന കാരണമാണ്. അതിനാല് ഉറങ്ങുന്നതിന് മൂന്ന് മണിക്കൂര് മുമ്പ് എങ്കിലും അത്താഴം കഴിച്ചിരിക്കണം. ഉയർന്ന അളവിൽ കൊഴുപ്പും, കലോറിയും കാർബോഹൈഡ്രേറ്റും അടങ്ങിയിരിക്കുന്ന ഭക്ഷണങ്ങള് രാത്രി കഴിക്കരുത്. ലഘുവായതും എളുപ്പത്തില് ദഹിക്കാവുന്നതുമായ ഭക്ഷണമാണ് അത്താഴത്തിന് തിരഞ്ഞെടുക്കേണ്ടത്. എന്നാൽ ചോറ് രാത്രി കഴിക്കരുത്.
വണ്ണം കുറയ്ക്കാന് ആഗ്രഹിക്കുന്നവര്ക്ക് കഴിക്കാവുന്ന ഏറ്റവും മികച്ച ഭക്ഷണമാണ് ഓട്സ്. രാത്രി ചോറിന് പകരം ഇവ കഴിക്കുന്നത് ഏറെ നല്ലതാണ്. നട്സ് ആണ് രണ്ടാമതായി ഈ പട്ടികയില് ഉള്പ്പെടുന്നത്. ഫൈബര് ധാരാളം അടങ്ങിയ നട്സ് വണ്ണവും കുടവയറും കുറയ്ക്കാന് സഹായിക്കും. നട്സ് പെട്ടെന്ന് വയര് നിറയ്ക്കാന് സഹായിക്കുകയും ചെയ്യും.
അമിത വണ്ണം കുറയ്ക്കാന് ആഗ്രഹിക്കുന്നവര് ഉറപ്പായും മുട്ട ഭക്ഷണത്തില് ഉള്പ്പെടുത്തണം. പ്രോട്ടീനുകളുടെ കലവറയാണ് മുട്ട. ഒപ്പം കലോറി വളരെ കുറവുമായതിനാല് വണ്ണം കുറയ്ക്കാന് ആഗ്രഹിക്കുന്നവര്ക്ക് അത്താഴത്തിന് ഒരു മുട്ട കഴിക്കാം
പഴങ്ങള് കൊണ്ടുള്ള സാലഡ് രാത്രി കഴിക്കുന്നതും നല്ലതാണ്. പ്രത്യേകിച്ച് ആന്റി ഓക്സിഡന്റുകള് അടങ്ങിയ ബെറി പഴങ്ങള് കഴിക്കുന്നത് വണ്ണം കുറയ്ക്കാന് സഹായിക്കും.
പ്രതികരിക്കാൻ ഇവിടെ എഴുതുക