തിരുവനന്തപുരം: സംസ്ഥാന പൊലീസ് മേധാവിയായി ഷെയ്ക്ക് ദര്വേസ് സാഹിബിനെയും ചീഫ് സെക്രട്ടറിയായി ഡോ. വി വേണുവിനെയും നിയമിക്കാന് മന്ത്രിസഭാ യോഗം തീരുമാനിച്ചു.
ദര്വേസ് സാഹിബ് ആന്ധ്രാ സ്വദേശിയാണ്. നിലവില് ഫയര്ഫോഴ്സിന്റെ മേധാവിയാണ് ഷെയ്ക്ക്. വിവാദങ്ങളില്ലാത്ത ക്ലീന് ട്രാക്ക് റെക്കോര്ഡാണ് ദര്വേസ് സാഹിബിനെ പൊലീസിന്റെ തലപ്പത്ത് നിയമിക്കുന്നതില് നിര്ണായകമായത് എന്നാണ് ലഭിക്കുന്ന റിപ്പോര്ട്ട്.
2024 ജൂലൈ വരെ ദര്വേസ് സാഹിബിന് സര്വീസുണ്ട്. ഫയര്ഫോഴ്സ് മേധാവിക്ക് പുറമേ വിജിലന്സ് ഡയറക്ടര്, ക്രൈംബ്രാഞ്ച് മേധാവി, ജയില് മേധാവി തുടങ്ങിയ പദവികളാണ് ദര്വേസ് സാഹിബ് വഹിച്ചത്.
നിലവില് ആഭ്യന്തര അഡീ. ചീഫ് സെക്രട്ടറിയാണ് വേണു. വേണുവിനേക്കാള് സീനിയറായ രണ്ട് ഐഎഎസ് ഉദ്യോഗസ്ഥര് കേന്ദ്ര സര്വീസില് നിന്നു മടങ്ങി വരില്ലെന്ന് അറിയിച്ചിരുന്നു. അതിനാല് വേണുവായിരിക്കും പുതിയ ചീഫ് സെക്രട്ടറി എന്നകാര്യത്തില് ഏറെക്കുറെ ഉറപ്പായിരുന്നു.
വിരമിക്കുന്ന വി പി ജോയിയുടെ ഒഴിവിലേക്കാണ് നിയമനം. 1990 ബാച്ച് ഐഎഎസ് ഉദ്യോഗസ്ഥനായ വേണു 2024 ഓഗസ്റ്റ് വരെ സ്ഥാനത്ത് തുടരും.
പ്രതികരിക്കാൻ ഇവിടെ എഴുതുക