തൃശൂര്: ഉറങ്ങിക്കിടന്ന ഭാര്യയുടെ കഴുത്ത് മുറിച്ച ശേഷം ഭര്ത്താവ് തൂങ്ങിമരിച്ചു. തൃശൂര് കല്ലൂരിൽ ഇന്ന് പുലര്ച്ചെ രണ്ട് മണിയോടെയാണ് സംഭവമുണ്ടായത്. 62 വയസുകാരനായ ബാബു ആണ് മരിച്ചത്. ഗുരുതരമായി പരുക്കേറ്റ ഗ്രെയ്സി തീവ്രപരിചരണ വിഭാഗത്തില് ചികിത്സയിലാണ്.തുടര്ന്ന് ബാബു വീട്ടുവളപ്പില് തൂങ്ങിമരിക്കുകയായിരുന്നു.
ബാബു വെട്ടുകത്തി എടുത്ത് ഉറങ്ങുകയായിരുന്ന ഗ്രെയ്സിയുടെ കഴുത്ത് മുറിക്കുകയായിരുന്നു. ഞെട്ടി എഴുന്നേറ്റ ഗ്രെയ്സി ഭര്ത്താവിനെ തള്ളിമാറ്റിയശേഷം അയല്വീട്ടില് അഭയംതേടുകയായിരുന്നു. അയല്വാസികളാണ് ഗ്രെയ്സിയെ തൃശൂരിലെ സ്വകാര്യ ആശുപത്രിയില് എത്തിച്ചത്.
പുതുക്കാട് പൊലീസ് സ്ഥലത്തെത്തി തുടര്നടപടികള് സ്വീകരിച്ചുവരുന്നു. കുടുംബവഴക്കാണ് ആക്രമണത്തിന് കാരണം എന്നാണ് പൊലീസ് പറയുന്നത്.
പ്രതികരിക്കാൻ ഇവിടെ എഴുതുക