ദി കേരള സ്റ്റോറിയ്ക്ക് ശേഷം ഇസ്ലാമിക തീവ്രവാദം പ്രമേയമാക്കി പുറത്തിറങ്ങിയ സിനിമയായിരുന്നു 72 ഹൂറൈന്. സിനിമ മൂന്നാം ദിവസവും ബോക്സ്ഓഫിസ് കളക്ഷനില് വളരെ പിന്നിലാണെന്ന റിപ്പോർട്ട് ആണ് ഇപ്പോൾ പുറത്തു വരുന്നത്.
സിനിമ പുറത്തിറങ്ങി മൂന്നാം ദിവസമായിട്ടും ബോക്സ്ഓഫിസ് കളക്ഷന് 1.26 കോടിയില് തന്നെ ഇഴഞ്ഞുനീങ്ങുകയാണ്. സഞ്ജയ് പുരണ് സിംഗ് ചൗഹാന് സംവിധാനം ചെയ്ത ഈ ചിത്രം വലിയ പ്രേക്ഷക ശ്രദ്ധ നേടുമെന്നാണ് നിര്മാതാക്കള് പ്രതീക്ഷിച്ചതെങ്കിലും കാര്യമായ സാമ്പത്തിക നേട്ടം ഉണ്ടാക്കാന് സാധിച്ചില്ല എന്നാണ് റിപ്പോർട്ടുകൾ വ്യക്തമാക്കുന്നത്.
അതേസമയം സിനിമ ഇസ്ലാമിനെ അവഹേളിക്കുന്നു എന്ന പേരില് വിവാദമാകുകയും നിര്മാതാക്കള്ക്കെതിരെ പരാതി ഉയരുകയും ചെയ്തിരുന്നു. ഐഎംഡിബിയില് ഏറ്റവും കൂടുതല് കാത്തിരിക്കുന്ന ചിത്രങ്ങളുടെ പട്ടികയില് 72 ഹൂറൈന് 29.5 ശതമാനം റേറ്റിംഗോടെ ഒന്നാം സ്ഥാനത്തെത്തിയിരുന്നതും ചിത്രത്തിന്റെ നിര്മാതാക്കള്ക്ക് ആത്മവിശ്വാസം നല്കിയിരുന്നു. അശോക് പണ്ഡിറ്റ്, ഗുലാബ് സിംഗ് തന്വര്, അനിരുദ്ധ് തന്വര്, കിരണ് ദാഗര് എന്നിവര് ചേര്ന്നാണ് ചിത്രം നിര്മിച്ചിരിക്കുന്നത്.
പ്രതികരിക്കാൻ ഇവിടെ എഴുതുക