ബി.എസ്.എന്.എല് എഞ്ചിനിയേഴ്സ് സഹകരണ സംഘം തട്ടിപ്പ് കേസില് പ്രധാന ബിനാമി അറസ്റ്റിലായതായി റിപ്പോർട്ട്. മുഖ്യപ്രതി ഗോപിനാഥിന്റെ ബിനാമിയായ ഷീജാ കുമാരിയാണ് പിടിയിലായത്. ക്രൈംബ്രാഞ്ച് സംഘമാണ് ഷീജയെ അറസ്റ്റ് ചെയ്തത്.
കൊട്ടാരക്കര സ്വദേശിയാണ് ഷീജാ കുമാരി. കൊട്ടാരക്കരയിലും മാമ്പുഴയിലും ഫിനാന്സ് കമ്പനിയും നിരവധി സൂപ്പര് മാര്ക്കറ്റുകളും ഇവര് നടത്തുന്നുണ്ട് എന്നാണ് പുറത്തു വരുന്ന വിവരം. ഈ സ്ഥാപനങ്ങളില് സഹകരണ സംഘ തട്ടിപ്പില് നിന്ന് നേടിയ പണം ഉപയോഗിച്ചിട്ടുണ്ടോ എന്നത് ഉള്പ്പെടെയുള്ള കാര്യങ്ങള് ക്രൈം ബ്രാഞ്ച് അന്വേഷിച്ചുവരികയാണ്.
ഷീജയുടെ വീട്ടില് നിന്നും നിരവധി രേഖകള് ക്രൈം ബ്രാഞ്ച് കണ്ടെത്തിയിരുന്നു. തട്ടിപ്പ് നടത്തിയ പണം ഗോപിനാഥിന്റെ നേതൃത്വത്തില് പലയിടത്തായി നിക്ഷേപിച്ചതായി ക്രൈംബ്രാഞ്ചിന് നേരത്തെ സൂചന ലഭിച്ചിരുന്നു. ഇതേ തുടര്ന്ന് നടത്തിയ അന്വേഷണത്തിലാണ് ഗോപിനാഥിന്റെ പ്രധാന ബിനാമിയെ ക്രൈം ബ്രാഞ്ച് കണ്ടെത്തിയത്.
പ്രതികരിക്കാൻ ഇവിടെ എഴുതുക